SPOLETANA 685

parocho inaudito? profecto si novum Vicarium statuere ex- pediens vel necessarium putasset Archiepiscopus, parochus monendus erat: quod cum non fecerit, aequum est ut Ar- chiepiscopus sui erroris ferat consequentias.

Tandem Procurator observat quod sacerdoti Inghes iam congrua merces repensa fuit, uti constat ex ipsius acceptila- tionibus : sed sententia Archiepiscopalis damnat Priorem Campi ad solvendas sacer. Cardinali libellas 250; ergo pa- rochus duplicem expensam solvere cogeretur, quod iniquum et iniustum est, iuxta Procuratorem.

I U R A SACERDOTIS CARDINALI . Aliter vero sentit sacerdos Cardinali in sua allegatione. In primis advertit nullimode a Priore Campi denegari posse ipsum per 4 et amplius annos munus Vice-parochi exercuisse in paroecia S. Petri; et hoc inter alia probat adnotatione obituum parochianorum ab Aprile an. 1884 usque ad Martium 1888, quibus ipse adstitit in pa- roecia S. Petri : hoc praemisso contendit iure merito ipsum delegatum fuisse ab Archiepiscopo Spoletano ad supplendum absentem parochum Campi : siquidem neminem fugere potest quod disponit Conc. Trid. sess. 6 cap. 2* de Reformat, nempe Episcopum tamquam S. Apostolicae delegatum providere de- bere absentem parochum de idoneo Vicario, congrua portione fructuum assignata.

Quin aliquid proficiat Prior Campi aiendo quod ipse iam statuerat suum Vicarium in persona sacerdotis Inghes, nam respondet Cardinali quod constitutio Vicarii probari debet ab Ordinario uti expresse tradit Barbosa de officio et potestate parochi par. 1, cap. 8, n. 52, ibi: « Nullo modo potest pa- rochus Vicarium seu substitutum etiam idoneum et admis- sum in illo Episcopatu pro administratione Sacramentorum relinquere ad longum tempus, inconsulto Episcopo, nam di- citur in Concilio Tridentino : Vicarium idoneum relinquat ab Ordinario probandum'». At Vicarius Inghes constitutus fuerat a parocho Campi inconsulto Episcopo.

Deinde sacerdos Cardinali singillatim oggesta ab adversa parte confutat: et primo argumentum de carentia actionis