688 COLLEN.

centibus, curam animarum concreditam habuit, reportato ad hoc idoneitatis testimonio ab Ordinario.

Interea an. 1892 Episcopo defuncto in eius locum suf- fectus fuit actualis Episcopus Alexander Toti : hic autem renuit habere sacerdotem Canuti tamquam canonicum con- tendens canonicatus erectionem nullam esse, eique interdi- xit usum et exercitium iuris canonicalis. Aegre id tulit sa- cerdos Canuti qui proinde recursum habuit ad S. Congre- gationem Episcop. et Regul. Haec origo praesentis quae- stionis, quae prius remissa pro solutione ad tribunal Metro- politanum, hoc declinante iudicium, iterum redit ad praefa- tam S. Congregationem.

D i s c e p t a t i o S y n o p t i c a

DEFENSIO E P I S C O P I . Episcopus primum sustinet nullitatem canonicatus Canuti evidenter patere ex defectu actus ere- ctionis canonicae eiusdem : quin aliquid relevet quod ex ad- verso obiicitur, hunc actum non fuisse necessarium quia res erat non de novo instituendo canonicatu, sed simpliciter de restituenda dote canonicatus iam existentis et tantum civi- liter suppressi, vacati per obitum canonici Ducei. Nam, re- spondit Episcopus, verum quidem est quod eiusmodi cano- nicatus coram ecclesia adhuc existit, sed etiam pariter ve- rum est quod nullus actus vel syngrapha extet quod probet eiusdem canonicatus dotis restitutionem ; neque huius locum tenere potest conventio diei 21 Ianuarii 1889, nam in ea non agitur de instauratione dotis Canonicatus a Ducei pos- sessi, sed tantum de promissione fundan di novum canoni- catum, quod adeo verum esse dicit, ut sacerdos Canuti non dubitaverit cedere novi canonicatus iuspatronatus post mor- tem suam favore Capituli Geminiani.

Hinc Episcopus concludit vel canonicatus de quo fuit investitus sacerdos Canuti, est canonicatus possessus a de- functo Ducei et tunc investitura est nulla, quia in conven- tione non actum fuit de huius canonicatus praebendae re- stitutione, vel est novus canonicatus a Canuti institutus et