693

DECRETUM SANCTI MINIATI Beatificationis et canonizationis ven. servi Dei

Theophili a Curte Sacerdotis professi ord. Minorum S. Francisci de Observantia.

S U P E R DUBIO

An, et de quibus miraculis constet in casu et ad effectum de quo agitur?

Usque adeo, virtutibus in exemplum excultis et chari- smatum supernorum praestantia, Venerabilis Theophilus incla- ruit, ut, vel eius aspectu, ad pietatem homines passim com- ponerentur. Qui enim, Apostolo singularem in modum obse- quutus, proximo placere in bonum ad aedificationem sategerat, et maiora in dies incrementa protulerat frugum iustitiae suae ; eundem incolae Corsicae ubi Curte ortum habuit, Franciscalium Minorum familia cui nomen a teneris dedit, gentesque Etruriae, quam potissimum, caritate adactus, pervigili animarum zelo fecit illustrem, mirum sane quantum veneratione suspicerent et prosequerentur amore. Immo, fama ad ceteros etiam populos diffusa, Theophilum, dum vita adhuc suppeteret, Dei, nomine et re, amicum et Christi imaginem referentem certatim compel- lare, omnibus in more fuit. Nec defuere viri dignitate conspicua, qui eum cum Beato Thoma a Cora saepenumero conferrent, quem non modo sibi societate coniunctum et moribus similem, sed etiam laborum comitem et fortitudinis aemulum fuerat na- ctus. Nam, qua scelestis hominibus ad meliorem mentem revo- catis, qua religiosis Recessibus christianae perfectioni arctius addictis, qua innumeris omne genus aerumnis invicto animo contemptis, id unum habuit in optatis, quo Ecclesiae dire tunc temporis lacessitae adiumento et solamini evaderet. Quod eius- modi obtigit, ut caeleste quoque prodigiorum testimonium fa- muli Dei sanctitati fidem cummaxime comparasse diceretur. Haec vero opinio ut continenter succresceret et aleretur, mors ipsa fecit, quam, placidissimo exitu, in oppido Phiceclo magis magisque cumulatus meritis Venerabilis Theophilus oppetiit, xiv calendas iunias anno millesimo septingentésimo quadrage- simo. Inoleverat siquidem magnamque fiduciam ingesserat sen-

E X S . C O N G R E G A T I O N E R I T U U M