696 EX S. C. RITUUM

sam votivam celebrare de Sanctissimo Corde Iesu iuxta decre- tum Sacrae Rituum Congregationis 28 Iunii 1889 ?

III. Et quatenus affirmative ad II. utrum eadem die apud Lusitanos liceat celebranti praedictam Missam votivam, duas alias de Requie celebrare?

IV. Utrum feria V in Coena Domini in Missa Pontificali Pre- sbyter et Diaconi assistentes, Canonicus baculum sustinens plu- viali paratus, et Subdiaconus, si sint Presbyteri stolam assu- mere debeant priusquam de manu Episcopi communionem accipiant; an potius ad Sacram Synaxim teneantur accedere iisdem tantum modo paramentis, quibus utebatur ab initio Missae ?

V. Utrum festum S S . Cordis Iesu quod inter festa secun- daria duplicia Primae classis in Calendario Universali ex De- creto 22 Augusti 1893 a Sac ra Rituum Congregatione recensetur, quodque iamdiu apud Lusitanos ut primarium celebratur sub praecepto in utroque foro, addito etiam ieiunio pervigilii, nunc vi laudati Decreti celebrari debeat ut secundarium; an potius ut primarium in Lusitana Ditione retinendum sit?

VI. Utrum consuetudo, qua simplex Sacerdos vel Canonicus Missam solemnem celebrans, concionatorem, qui post Evange- lium praedicat, benedicit, servari possit?

VII . Utrum Sacerdos qui festo Nativitatis Domini, vel die secunda Novembris in Lusitania, tres Missas consecutive legit, quin ab altari recedat, teneatur post unamquamque Missam re- citare ter Ave Maria, Salve Regina et ceteras orationes iussu Sanctissimi Domini Nostri Leonis Papae X I I I recitandas post Missam privatam, an potius semel tantum post tertiam Missam ?

VIII . Utrum in choro ad Psalmum Venite exultemus, re- citandum in tertio Nocturno festi Epiphaniae Domini teneantur omnes etiam Canonici stare deiectis capitibus, dum praedictus Psalmus cum antiphona recitatur ?

I X . Utrum occurrente Festo Annuntiationis Beatae Mariae Virginis feria VI in Parasceve vel Sabbato Sancto, in locis ubi hoc festum celebratur sub praecepto audiendi Sacrum et abs- tinendi ab operibus servilibus, transferri debeat ad feriam secundam post Dominicam in Albis cum praecepto etiam pro populo ?

X. Utrum feria VI in Parasceve retineri possit consuetudo in adoratione Crucis, ut ille, qui adorationem peregit, non re-