699

APPENDIX VI. E X H I B E N S A C T A S E D I S A P O S T . ; Q U A E A U T I A M D I U E X A R A T A S U N T

A U T Q U A E T E M P E S T I V O L A T U E R U N T E P H E M E R I D U M

M O D E R A T O R E M .

~x>gfg«~-~

Instr. S. C. S. Officii 2 Iulii 1878. - (ad Ordinarios Imperii Brasil).

Oe servandis a Clero circa modum agendi cum massonibus.

Pestis Massonismi, qui in istis regionibus tanta Religioni detri-

menta infert, eo fortius reprimetur quo religiosius a clero isto servata

fuerit regula catholicae doctrinae circa modum agendi cum massonibus,

praesertim quod ad Sacramenta attinet, ceteraque bona spiritualia, a

quorum communione illi prorsus sunt arcendi, donec impiae sectae

nuncium remiserint. Cum autem S. Sedes certior facta fuerit multum

discrepare hac in re praxim istorum parochorum, Sacrae Congregationi,

approbante SSmo D. N. visum est sequentia in memoriam revocare,

quae ab omnibus accurate servanda erunt.

Itaque loquendum primum de Sacramento Matrimonii. Nullo modo

tolerari potest quod illic in quibusdam dioecesibus, sicut refertur, usu-

venit, ut matrimonia, quae a massonibus contrahuntur, cum omni so-

lemnitate ritus catholici celebrentur. Potius si quis matrimonio coniungi

postulat, qui noscitur sectae massonicae adscriptus esse, parochus totis

viribus ad id incumbere tenetur, ut illi sectae renuntiet, quod si re-

nuerit, sedulo curandum est ut sponsa ac parentes eius, opportunis

exhortationibus a tali coniugio deterreantur.

Quando vero parochus nullo modo potest huiusmodi matrimonium

impedire, et prudenter timet, ne ex denegata matrimonio adsistentia

grave scandalum vel damnum oriatur, res deferenda est ad Ordinarium,

qui, sicut ei opportuna nunc facultas tribuitur, inspectis omnibus casus

adiunctis permittere poterit, ut parochus matrimonio passive intersit,

idest absque benedictione, alioque ritu ecclesiastico, tamquam testis

authorizabilis, dummodo cautum omnino sit catholicae educationi uni-

versae prolis, aliisque similibus conditionibus. Haec vero facultas, qua-

tenus iudicio Ordinarii necessitas postulaverit, parochis secreto de-

legari poterit. Quoties autem agitur de matrimonio inter unam partem

catholicam et alteram, quae a fide ita defecit ut alicui falsae religioni,

vel sectae haereticae sese adscripserit, requirenda est consueta et ne-

cessaria dispensatio cum solitis ac notis praescriptionibus et clausulis.