PINNEN. 715

ad S. C. C. Interim non quieverunt contentiones, nam Pa- rochus appellans, pro effectu suspensivo appellationis, putans sibi competere sacrarum functionum celebrationem, ob iuris quasi possessionem antea exercitam, contra Ordinarium im- pedientem hoc exercitium, petiit a S. C. O. et obtinuit sub die 27 Iulii anni 1892 sequens decretum possessorium manuten- tionis « Quatenus ante appellatam sententiam parochus in quasi possessione fuerit iuris sacras functiones peragendi, pro nunc et usque ad exitum iudicii appellationis a sua pos- sessione non esse deturbandum, idque notificetur Episcopo. » Loci Ordinarius aegre tulit hoc decretum, ratus quasi iuris possessionem potius Confraternitati quam Parocho favere, et uti antea, ita postea curavit, ad effugiendas quaestiones, delegare alium Sacerdotem, Parochiae et sodalitati extra- neum ad peragend as sacras functiones die festo S. Rochi: quam adversum rationem agendi Parochus S. C. C. sub die 15 Iulii 1893 aliud obtinuit decretum; scilicet « in Decre- tis sub die 27 Iulii 1892. »

D i s c e p t a t i o S y n o p t i c a

In primis animadversum fuit quod loci Municipium hisce in contentionibus non parvam habuerit partem, et regia Prae- fectura de hac quaestione diligentem exaraverit relationem, ad suggerendam Municipio prudentem normam agendi et ea- dem politica auctoritas attendat et confidat, sententiam Eccle- siastici Tribunalis evasurum certum pignus conciliationis ani- morum et pacificationis.

Confraternitas vero defensionem deduxit ex pleno et ab- soluto usu sibi concesso a sua institutione in Ecclesia Sancti Rochi ; reservatis Parocho, uti decernit Ordinarius, tantum iuribus parochialibus.

Parochus vero non potest invocare, instat Sodalitas, im- memorabilem consuetudinem peragendi sacras functiones, cum in actis fundationis Confraternitatis, nihil sibi reservans, praesumatur huiusmodi iuribus cessisse.