PINNEN. 719

firmant. Re quidem vera, in altari maiori eadem exposita fuit imago Divi Rochi, cui Ecclesia dedicata fuerat, et in eius-die festo Municipium, nulla expostulata a Sodalitate venia, disposuit singulo quoque anno, non secus ac antea, ut ibi per parochum, ad hoc delegatum celebrarentur noven- dialia et suetae aliae functiones.

Qui actus Municipii, observat Syndicus, a superiore ci- vili auctoritate approbati, evincunt, clarum et omni exce- ptione maius, visum fuisse omnibus Municipii ius.

Ad haec notat, quod sodalitas si in suum plenum ius concessione, aedificatione aut quocumque alio titulo Eccle- siam sibi adiudicare potuisset, nunquam S. Rocho eamdem dedicasset, sed Christo Mortuo et SS. Virgini Septem Dolo- rum, a quibus ipsa sodalitas nuncupatur; uti eadem non tolerasset functiones, a parocho factas ex delegatione Mu- nicipii.

Deinde Syndicus vindicat Municipio eiusmodi patronatum per quamplurimorum testium depositiones.

Demum Syndicus ut cuicumque adversariorum difficultati aditum praecluderet, provocavit ad praescriptionem, ex qua etsi, per damnatam hypothesim, nullum aliud ius sibi vin- dicare posset, Municipii intentio luculenter comprobaretur. Innititur auctoritati Card. De Luca, De Praescriptione ita disserentis in disc. 30, n. 17 : « Ita vero consuetudo non exigit immemorialem vel quadragenariam (praescriptionem) cum titulo putativo seu eius famam, eo modo quo requiritur in iis, quibus ius resistit et cum quo praesupposito in hu- ius causae decisionibus proceditur, quoniam id non est contra, sed praeter ius et consequenter sufficit sola decennalis. » Iamvero notat Syndicus, pacificum Municipii usum perduras- se ab anno 1860 ad 1884; quin ad Municipium ulla prote- statio aut querela facta sit, cui pro effectu iuridico fieri debe- bant, non parocho qui non proprio nomine, sed Municipii nomine, sacras functiones peragebat.

Instant Sodales ad suum ius in Ecclesiam vindicandum, a momento quo eamdem, ipsi suis opibus, sua sollicitudine