deesse Sodalitati non videtur ob factum iam probatum reae- dificationis : Reiff, h. t. n. 15.

Ex adverso Municipio unum saltem titulum suffragari ad ius patronatus sibi adiudicandum, in aprico est. Fundus enim in quo Ecclesia extructa fuit, prouti ultro Sodalitas concedit, a Municipio donatus fuit. Atqui hunc titulum de se iam conferre ius patronatus omnibus in confesso est.

Quapropter etsi admittatur Municipium, destructam Ec- clesiam iterum non aedificasse, nihilo secius titulo fundatio- nis innixum se Ecclesiae patronum traducere potest. Utrum vero et quatenus Municipium ipsam Sodalitatem compatro- nam habere debeat, postquam haec saltem concurrent in reaedificationem, iudicabunt E E . PP. Interim iuvat haec Reiftenstuel excribere verba h. t. n. 10 : « ... Imo si plures concurrant ad unum ex tribus modis vel causis allegatis v. g. ad dotationem erunt omnes simul, respectu huius ti- tuli, patroni habentes aequale Iuspatronatus, etsi unus eorum plus contulerit ; dummodo omnes simul sufficientem praebeant dotem, ut notant doctores citati. Ratio est : tum quia hoc ipso quod ille qui plus confert, alium minus conferentem admittat, censetur velle communicare cum illo Iuspatrona- tus. Tum quia iura simpliciter dicunt, ex dotatione acquiri Iuspatronatus, non distinguendo an unus aut plures dotent. Idem est si plures concurrant ad aedificationem vel fun- dationem ; Abbas loc. cit. G-arcia loc. cit. n. 53. Idem dici, si plures concurrant ad reaedificandam Ecclesiam, penitus destructam etc. »

Hisce noviter adductis propositum fuit diluendum D u b i u m

An sententia Curiae Pinnensis sit confirmanda vel in- firmanda in casu.

R E S O L U T I O . Sacra C. Concilii re disceptata sub die 2 3 Februarii 1 8 9 5 , censuit respondere: sententiam esse confir- mandam, salvo iure Municipii delegandi 'Bel Parochum,, vel alium Sacerdotem ad functiones peragendas in die festo S. Rochi et preces novendiales praecedentes.

Acta, Tom. XXVII. fase. OCOXXIV. 46