MONOPOLITANA 727

pullis Fasanensis in duas partes divisus, quarum altera Con- fraternitatibus, altera Tertiariis favebat.

Interea adventabat dies processionis, solemnis Sacratis- simi Corporis Christi, et civilis auctoritas, quo se vertere debuisset, nesciebat. Rogavit Episcopum ut rem componere valeret; sed cum id assequi nequivisset, primum prohibuit processionem, deinde sese in iudicem ecclesiasticum erexit, et confundens Tertiarios singulos cum Confraternitate SS. Ro- sarii, ac reputans Confraternitatem in Tertium Ordinem im- mutatam esse, post multos tractatus denique sententiam pro- ferre autumavit, et oblitus controversiam iam definitam esse favore confraternitatis Sanctissimi Sacramenti, iussit pro- cessionem SS. Corporis Christi fieri cum praecedentia Tertii Ordinis.

Verum post haec, ipsa civilis auctoritas perspexit publi- cam pacem ac tranquillitatem facile perturbatam iri ; proin- deque manum militarem obtulit. Interea Capitulum recepti- tiae Ecclesiae S. Ioannis Baptistae animorum concitationem animadvertens et impendentia pericula pertimescere, canonice congregatum, unanimi suffragio délibérât a processione abs- tinere. Atque ita ob resistentiam Tertiariorum S. Dominici, processio locum non habuit, concludit orator. Atqui in hisce rerum adiunctis, prosequitur, Episcopus non poterat permit- tere cruentam pugnam in solemni processione SS. Corporis Christi cum S. Mysterii contemptu et fidelium scandalo, nec poterat sinere e converso quod processio nunquam deinceps fieret ex culpa Tertiariorum. Fecit igitur Episcopus id quod pro suo munere facere debebat ; sustulit nempe tanti mali caussam, et suo decreto Tertiariis omnibus in processionibus intervenire prohibuit.

Exinde concludit patronus, Confraternitatem SS.Rosarii, qua talem, Tertiariorum iura ac privilegia vindicare non posse: nec Tertiariis, uti singulis, ius esse ex contraria consuetudine, quae Fasani viget, interveniendi in processio- nibus. Quamobrem Confratres qui ex adverso sunt, sive col- lective, sive singulariter sumpti, nullimode contra Episcopi