NICIEN. 741

cretum erectionis canonicae, et solemne iudicatum S. Con- gregationis Episc, et Regul. concludit implorans decisionem seu declarationem, sub utroque puncto Capitulo favorabilem, nempe canonicatum adnexum esse officio distincto Rectoris pro tempore Hospitii et Capitulo spectare nominationem, praevia praesentatione trium candidatorum.

Sic partium rationibus compendiatila relatis, proposita sunt enodanda sequentia

D u b i a

I. An canonicatus d'Aiglun rite erectus in Cathedrali Niciensi haberi debeat adnexus officio Protectoris, vel potius illi distincto Rectoris, seu Directoris spiritualis Hospitii a Providentia in casu.

II. An et quomodo Capitulo Cathedralis eiusdem com- petat ius nominandi ad dictum canonicatum in casu ?

R E S O L U T I O . Sacra Congr. Episc, et Regul. re mature discussa, sub¡ die 5 Aprilis 1895 respondit.

Ad I. Affirmative quoad Protectorem, negative quoad Cappellanum vulgo Aumônier.

Ad II. Affirmative, ita ut Capitulum ius habeat exi- gendi praesentationem candidatorum tantummodo in casu quo Protector, sive Rector praesentari nolit, vel non habeat qualitates requisitas a fundatore ; quatenus autem Prote- ctor praedictas qualitates habeat et canonicatum consequi velit, eligi debeat a Capitulo tamquam passive vocatus.