742

VELITERNEN. Quoad praxim non genuflectendi ad verba et incarnatus est in Credo.

Cathedralis Basilicae Veliternae Caeremoniarum Praefe- ctus, qui iuxta Constitutiones Capitulares curare debet, ut omnia quae ad Caeremonias attinent rite ac recte ab omnibus peragantur, Sacrorum Rituum Congregationi pro opportuna declaratione humillime exposuit, nimirum : « In choro diebus festis adsunt, praeter Canonicos, Beneficiati et Ven. Semina- rii Alumni. In Missa solemni, ad Credo, omnes Symbolum recitant cum celebrante, simulque ad verba « Et incarnatus est... » genuflectunt. Absoluta recitatione, omnes sedent. Cum deinde cantatur praedictus versiculus « Et incarnatus est » Beneficiati et Seminarii Alumni sedentes non faciunt ad eadem verba alteram genuflexionem. Et haec praxis duobus abhinc annis obtinet, vi resolutionis sumptae in Collatione Casuum moralium et liturgicorum, habita die 20 mensis Iulii anni 1893, praeside Rmo Dno Episcopo Suffraganeo et Vi- cario Generali adstantibus Canonicis, Beneficiatis et Semi- narii Alumnis, qui disciplinis Theologicis vacant. Inde po- stulavit :

« An servari possit huiusmodi praxis non genuflectendi prout in casu? »

Et Sacra eadem Congregatio, ad relationem infrascripti Secretarii, omnibus attente consideratis, rescribendum cen- suit: Affirmative, iuxta Decreta in Neapolitana 15 Februa- rii 1659, et Maioricensi 13 Februarii 1677 (1) et praxim

(i) In commodum lectorum en quod ad rem facit.

NEAPOLITANA

Die 13 Februarii 1659.

Dubium 2um. An, dum cantatur Symbolum a Cantoribus, attenta consuetudine,

quod ad versum: Et incarnatus est etc., Canonici caput inclinent, reliqui vero in-

feriores genuflectant, etiam celebrans, si fuerit e numero Hebdomadariorum, genu-

flectere teneatur?

E X S . C O N G R E G A T I O N E R I T U U M