746 EX S. C. RITUUM

Hoc insuper Decretum evulgari et in S. R. C. acta referri mandavit, x calendas iunias anno millesimo octingentesimo no- nagésimo quinto.

G. CARD. ALOISI -MASELLA Praefectus. L . œ S.

ALOISIUS T R I P E P I Secretarius.

DECRETUM ^VESTMONASTERIEN. Confirmationis cultus venerabiiium servorum Dei Hugonis Faringdon, Ricardi Whiting, Ioannis Bechii, Rogerii lames, Ioannis Thorn, Gulielmi Eynon, Ioannis Rugg ei Hadriani Fortescue et servi Dei Tho- mae Percy in Anglia pro fide interemptorum.

Avitae Anglorum fidei et Catholicae Religioni faustissima illuxit dies vigesimanona decembris , anno millesimo octingen- tesimo octogesimo sexto, qua, per Decretum Sacrorum Rituum Congregationis, Sanctissimus Dominus Noster L E O PAPA X I I I cultum confirmavit antiquiorum Angliae Martyrum, qui ab an- no 1535 ad 1583 pro Fide Catholica et pro Romani Pontificis Primatu occubuerunt, eorum praesertim quorum passiones au- ctoritate Gregorii X I I I Pontificis Maximi in templo S S m a e Tri- nitatis de Urbe olim depictae, anno 1584 cum privilegio eiusdem Pontificis et apposito titulo, aere cusae sunt. Quum vero in praelaudato Decreto tantum quinquaginta quatuor Beati nomina- tim inscripti fuerint, Archiepiscopus Westmonaster iensis aliique Britanniae Praesules, tum sua tum cleri plebisque fidelis vota de- promentes, ab eodem Sanctissimo Domino -Mostro enixe efflagita- runt, ut Beatis iam recensitis eos etiam, quos cum illis una fides ac causa in extremo certamine sociaverat, per novum Decretum pari titulo atque honore decorandos, adnumerare dignaretur, nimirum Venerabiles Dei Servos : Hugonem Faringdon, Riccar- dum Whit ing et Ioannem Beche, Abbates Ordinis S. Benedicti, Rogerium lames, Ioannem Thorn, Guglielmum Eynon et Ioan- nem Rugg Monachos eiusdem Ordinis ; necnon Servum Dei Tho- mam Percy, Comitem Northumbriensem, qui oblatos cum vita honores, si modo descisceret a fide, martyrio fortiter posthabuit. Asserebant enim ex certis Armisque argumentis in medium prolatis constare hos omnes in vera Christi Ecclesia edoctos: Quae sunt Caesaris Caesari, et quae Dei Deo esse reddenda, superna gratia et apostolico exemplo robora tos, debitam ipsi Deo 3t non hominibus obedientiam una cum sanguinis effusione prae-