EX S. C. RITUUM 747

stitisse, eodemque in censu habendos esse ac ceteros Martyres Anglos, quorum cultus per enunciatum auspicatissimum Decre- tum ab Apostolica Sede recognitus ac probatus fuit. Quas hu- millimas preces iidem Sacrorum Antistites speciali quoque postu- latione cumularunt rogantes, ut praedictis Venerabilibus Servis Dei Ordinis S. Benedicti et perillustri Viro Servo Dei Thomae Percy adiungi possit Venerabilis Hadrianus Fortescue, Hierosoly- mitanus Eques, qui, ob constantem fidei Catholicae confessionem, capite plexus die 8 Iulii 1539, ab eodem Sacro Ordine Militari et in Insula Militensi antiqua ac publica religione praecipue colitur. Hanc porro Causam cognoscendam et discutiendam una cum Ordinario Processu in Anglia constructo aliisque au- thenticis documentis ad rem pertinentibus Sanctissimus Domi- nus Noster peculiari Coetui aliquorum S. R. E. Cardinalium, necnon Praelatorum Officialium Sacrorum Rituum Congrega- tionis, nuperrime confirmato ac renovato, benigne commisit ; praevia exegesi per R. P. D. Augustinum Caprara S. Fidei Pro- motorem exaranda. Quo Coetu in particulari Congregatione die VII vertentis mensis et anni ad Vaticanum coadunato, Emus et R m u s Dnus Cardinalis Angelus Bianchi, Episcopus Praene- stinus et Causae Relator , sequens proposuit dubium : An, pro- pter peculiaria Romanorum Pontificum ac ipsius Leonis Pa- pae XIII indulta, relate ad antiquiores Angliae Martyres, qui ab anno 1535 ad 1583, pro Fide Catholica et pro Romani Pon- tificis in Ecclesia Primatu mortem obierunt, constet de casu excepto a Decretis sa. me. Urbani Papae VIII in casu, et ad effectum de quo agitur Ì Emi porro ac Rmi Patres una cum Praelatis Officialibus, audito scripto et voce praelato S. Fidei Promotore, reque accurate discussa ac perpensa quoad novem recensitos Martyres, respondendum censuerunt « Affirmative seu constare de casu excepto ». Super quibus omnibus, facta Sanctissimo Domino Nostro LEONI P A P A E X I I I per me infra- scriptum Cardinalem Sacrorum Rituum Congregationi Praefe- ctum, fideli relatione; idem Sanctissimus Dominus Noster sen- tentiam Sacrae Congregationis Particularis approbare dignatus est, die 13 Maii 1895.

C. CARD. ALOISI -MASELLA, S. C. R. Praefectus.

L. * S. ALOISIUS T R I P E P I , S. C. R. Secretarius.