7 4 8 EX S. C. RITUUM

DECRETUM. PERUSINA. Confirmationis cultus ab immemorabili tempore praestiti servo Dei Iacobo a Querceto Sacerdoti professo ordinis Eremitarum s. Augustini beato nuncupato.

Iacobus a Querceto, intra fines Perusinae Archidioeceseos haud ignobili oppido, exeunte fere saeculo decimo tertio ortum habuit. Ingenuus ac pius iuvenis, pueritia vix exacta, mundana spernens oblectamenta et divino flagrans ardore in Perusinum Coenobium Augustinense S S . Philippi et Iacobi secessit, ibique in Eremitanam Familiam, communi religiosorum laetitia, c i rca annum MCCCIV cooptatus fuit. In illo regularis observantia, rigo- rosa abstinentia, assidua oratio, illibata virginitas aliaeque egre- giae virtutes mirabililer praefulserunt. Hanc vitam in Deo abs- conditam, sanctissime actam et aetate gravem anno MCCCLXVI piissime deposuit. Namque constans traditio id contigisse refert, dum ipse flexis genibus ante Beatae Mariae Virginis imaginem devotissime orabat, ita ut eius mors veluti transitus suavissimae conversationis e terrestri loco ad caelestem patriam adstantium oculis apparuerit. Hoc etiam memoriae proditum est in signum felicissimi transitus aerea campana, nemine pulsante, tunc tem- poris sonitum e turri dedisse. Huius Servi Dei corpus more fratrum et Ecclesiae ritu sepultum, paucis elapsis ab obitu annis elatum nobilique in urna reconditum, Beati titulo, virtutum et miraculorum encomio inscripto, populi pietati ac venerationi propositum fuit. Sanctimoniae fama e praeclaris virtutibus orta una cum miraculis cultum Iacobi a Querceto statim genuit et ad posteritatem transmisit, prouti inde àb anno MDCLIV probati testes ac senes de visu et scientia propria et de publica tradi- tione maiorum perhibuerunt, approbante ac sententiam ferente ipso R m o Episcopo Perusino, qui sacras Servi Dei exuvias ex humili loco ad nobiliorem transferri et honorifice sub ara condi decrevit. Quum vero super huiusmodi cultu ante Urbanianum ae- vum praestito nuperrime nova accesserit sententia iudicis dele- gati ab Illmo et R m o Domino Friderico Foschi, Archiepiscopo Perusino, idcirco, instante R m o P. Sebastiano Martinelli Ordinis Eremitarum S. Augustini Priore ac Postulatore Generali, Emus et Rmus Dnus Cardinalis Vincentius Vannutelli huiusce Causae Relator in Ordinariis Sacrorum Rituum Congregationis Comitiis subsignata die ad Vaticanum habitis, sequens dubium discutien- dum proposuit: An sententia Iudicis a Rmo Archiepiscopo Pe-