Acta Apostolicae Sedis - Commentarium Officiale604

ACTA CONGREGATIONUM

CONGREGATIO DE CAUSIS SANCTORUM

MECHLINIEN.

Canonizationis Beati Damiani Iosephi de Veuster, Sacerdotis professi Congregatio-

nis Sacrorum Cordium Iesu et Mariae necnon Adorationis Perpetuae SS. Sacra-

menti Altaris (1840-1889)

DECRETUM SUPER MIRACULO

Beatus Pater Damianus Iosephus de Veuster natus est die 3 mensis Decem-

bris, anno 1840, in loco, quem appellant Tremelo, in Flandria, parentibus rei

rusticae et mercaturae deditis, qui eum christianis praeceptis optime educarunt.

Vicesimo aetatis anno Iosephus nomen suum dedit Congregationi Sacrorum

Cordium Iesu et Mariae necnon Adorationis Perpetuae SS. Sacramenti Altaris,

sacrisque initiatus, cum vota nuncuparet, sibi Damiano nomen indidit. Deinde

philosophiae ac theologiae vacavit, indeque, quamvis sacro presbyteratus ordi-

ne etiam careret, evangelii nuntiandi gratia in insulas Sandovicenses, quae

postea Havaianae appellatae sunt, missus est. Ibique ipse, postquam ad sacros

ordines ascendit, in variis paroeciis ministerium pastoris exercuit, gravi leprae

contagione, praeter novos morbos quos externi mercatores et nautae invexe-

rant, ingruente. Cum autem civitatis principes statuissent infirmos illos, quibus

lepra ingruerat, in insulam, quam Molokai vocant, relegare, Damianus ab Epi-

scopo petiit et accepit ut in insulam illam, quae quasi leprosorum valetudina-

rium facta erat, migraret, scilicet ut posset « vivere cum illis, cum illis mori ».

Beatus itaque, ubi primum se in talem societatem hominum et communitatem

immiscere valuit, infirmos convertere eorumque dignitatem provehere coepit.

Nam ipse cum templum exstruendum, tum paroeciam condendam curavit;

praeterea eorum, qui vel morbo laborabant, vel ad extremam societatem de-

trudebantur, corpora animosque sanavit; ludos denique et villas constituit. Ideo

Pater Damianus ab omnibus, sive potestatibus sive publica opinione, laudatus

est ob egregiam operam quam ipse « in insula Molokai vocata, ad instar gehen-