Congregatio de Causis Sanctorum 605

nae terribilis facta », navaverat; attamen, cum et ipsi lepra ingruisset, nobilis

evangelicae virtutis heros ex vitae huius tenebris ad sempiternam lucem exces-

sit die 15 mensis Aprilis, anno 1889.

Cui quidem Dei Famulo Ioannes Paulus II, Summus Pontifex, Beatorum

caelitum honores decrevit die 4 mensis Iunii, anno 1995.

Cum autem eius Canonizationi prospiceret, Postulatio Causae sanatio-

nem, quae eodem Beato deprecante a Deo patrata ferebatur, huic Congrega-

tioni subiecit expendendam. Quae quidem res accidit D.nae Etheldredae

(Audrey) Toguchi anno 1997, aetatis eius septuagesimo. Tunc enim mulier,

quae nonnullis iam antea chirurgicis sectionibus curata erat, cum forte ceci-

disset, comperit se eiusmodi tumore temptari, qui non solum infestissimus

ingravesceret, verum quoque multifariam ex metastasi oriretur, adeo ut exis-

timaretur eadem superesse haud posse. Cum autem in hospitium deducta

esset, infirma, quae ceterum nullo prorsus chemico medicamento curata

est, Dominum invocavit et ab Eo donum sanationis per intercessionem Beati

Patris Damiani petivit, aliis compluribus supplicationes cum ea sociantibus.

Ac sic accidit ut, paucis mensibus vertentibus, metastases regrederentur et

infirma perfecte consanesceret.

Constat enim concursum temporis et contextum esse inter supplicationes,

quibus Beatus Damianus invocatus est, et sanationem D.nae Etheldredae (Au-

drey) Toguchi, quae nunc non optima dumtaxat valetudine utitur, sed rectam

vitam degere potest, praesertim quod ad aliorum commercium attinet.

Qua de sanatione, pro miro habita, in Curia Honoluluensi, a die 12 mensis

Martii ad diem 16 mensis Aprilis, anno 2003, Inquisitio dioecesana instructa

est, cum alia deinceps Inquisitio a die 15 mensis Februarii ad diem 10 mensis

Maii, anno 2005, in supplementum fieret. Quarum et singularum vim prae-

sens Congregatio ratam habuit per Decretum die 2 mensis Decembris, anno

2005, latum, quae ceterum statuit ut alia Inquisitio in supplementum pera-

geretur: qua quidem a die 26 ad diem 30 mensis Novembris, anno 2007,

condita, acta prioribus addita sunt vi Decreti in Ordinario Congressu die 7

mensis Decembris, anno 2007, lati. Consilium autem Medicorum, quod apud

Dicasterium habetur, cum sederet die 18 mensis Octobris, anno 2007, agnovit

sanationem, de qua agitur, celerem, perfectam stabilemque fuisse, eandem

vero ex hodiernis artis cognitionibus minus explicari posse. Deinde vero, die

29 mensis Aprilis, hoc anno 2008, Theologi Consultores in Peculiarem, qui

dicitur, convenere Congressum. Horum denique favorabilem sententiam Pur-

purati Patres et Antistites, subsequenti die 17 mensis Iunii in Sessione Ordi-