Acta Apostolicae Sedis - Commentarium Officiale612

rum Theologorum factus est et die 15 insequentis mensis Aprilis Sessio Ordi-

naria Patrum Cardinalium et Episcoporum habita est, Ponente Causae Ex-

cellentissimo Domino Angelo Comastri, Archipresbytero Basilicae Vaticanae.

Et in utroque Coetu, sive Consultorum sive Cardinalium et Episcoporum,

posito dubio an de miraculo divinitus patrato constaret responsum affirma-

tivum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Dei patrato per intercessionem Venera-

bilium Servorum Dei Ludovici Martin, christifidelis laici et patrisfamilias, et

Mariae Azeliae Guérin, christifidelis laicae et matrisfamilias, videlicet de rapi-

da, completa ac perpetua sanatione pueri Petri Schilirò a « grave sindrome da

aspirazione meconiale associata a ipertensione arteriosa e complicazioni suben-

tranti con numerosi pneumotoraci ».

Hoc autem Decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Iulii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Lunensis, a Secretis

TERGESTINA

Beatificationis seu Declarationis Martyrii Servi Dei Francisci Ioannis Bonifacio,

Sacerdotis dioecesani in odium fidei, ut fertur, interfecti († 11.09.1946)

DECRETUM SUPER MARTYRIO

« Dominus pars hereditatis meae et calicis mei: tu es qui detines sortem

meam » (Ps 16, 5).

Nostra aetate florida verba Psalmistae, levitae Veteris Foederis, sive in

vita mirabiliter refulgent sive in pio transitu Servi Dei, presbyteri dioecesani

Francisci Ioannis Bonifacio, qui in supremo suae testificationis momento

proprium effudit sanguinem, eumque calici Domini sociavit.