Congregatio de Causis Sanctorum 609

comes stabuli, id est dux summus exercituum, fieret. Posthac, amissa uxore,

quominus ad secundas nuptias transiret, Nonius recusavit; quin immo post

quosdam alios bellicos casus de suis ipse bonis secessit et in Ulyssiponensi

coenobio habitum Fratrum B. M. V. de Monte Carmelo induit. Cum extre-

mam ipse aetatem totus in oratione, in paenitentia, in caritate erga pauperes

ageret, per integrum vitae suae curriculum talis vir summa fide praestavit,

quam ceterum multimodis excoluit, ut, quaenam divina esset voluntas, con-

stanter inquireret, sive Beatam Deiparam ferventi pietate prosequeretur.

Exemplum Beati Nonii, qui quidem fortissimus vir Lusitanae gentis habitus

est, etiam eiusdem aetatis homines admirandum atque imitandum censuere.

Mortuus est Ulyssipone anno 1431.

Propter eius canonizationem Postulatio Causae sanationem, quae divini-

tus, eodem Beato deprecante, patrata ferebatur, huic Congregationi de Causis

Sanctorum subiecit expendendam. Quae res pertinet ad dominam Guillelmi-

nam (Guilhermina) de Iesu, quae die 27 mensis Februarii anno 1943, in loco

vulgo dicto Vila Franca de Xira, in dioecesi Ulyssiponensi, nata est. Cum

autem dicta mulier, die 29 mensis Septembris, anno 2000, dum pisces frigit,

vitra ocularia, quibus ipsa plerumque utebatur, quippe quae esset oculis non

satis prospiciens, deposuisset, praefervidi olei gutta, in sinistrum usque ocu-

lum prosiliens, corneam tuniculam graviter ulceravit. In isto genere notan-

dum est quod curationes, quae inde adhibitae sunt, minus idoneae nec ipsae

satis fuerunt. Die vero 6 mensis Novembris, quo Beati Nonii festum agitur,

mulier una cum suis statuere se ad Beatum applicare, scilicet ad eius inter-

cessionem impetrandam. Ideo, die 22 mensis Novembris, supplicationi no-

vendiali initium factum est; cui quidem complures, inter quos et parochus,

interfuere. Die autem 7 mensis Decembris, finita supplicatione, domina Guil-

lelmina Beati simulacrum, quod ipsa domi habebat, maximo affectu osculata

est. Et ita factum est ut mulier, postero mane, quibusvis dilapsis ulceris

indiciis, rectam videndi facultatem recuperaret. Constat enim concursum

temporis et contextum esse inter supplicationes, quibus Beatus invocatus

est, et sanationem dominae Guillelminae de Iesu.

Quo de casu, pro miro habito, a die 23 Novembris, anno 2004, ad diem 10

mensis Ianuarii, anno 2005, in Curia Ulyssiponensi Inquisitio dioecesana rite

instructa est. Die autem 3 mensis Aprilis, hoc anno 2008, casus delatus est ad

Coetum Medicorum, qui pronuntiavit eiusmodi sanationem ex artis cognitio-

nibus explicari non posse, quippe cum mulier, etsi curationes haud satis

evaserant, ilico, perfecte, perpetuo sana facta esset e gravi oculi ustione.

Postea die 20 mensis Maii, eodem anno 2008, Theologorum Consultorum