Acta Apostolicae Sedis - Commentarium Officiale624

materialibus et spiritalibus, in quorum auxilium fervens religiosus suas intel-

legentiae et incepti dotes effudit. Eodem tamen tempore exortae sunt diffi-

cultates, quarum praecipuae causae fuerunt instabiles condiciones oeconomi-

cae nec non ingentes contentiones politicae; nullum tamen impedimentum

confringere poterat ferventem animum Servi Dei, qui econtra ipsis in obsta-

culis reperiebat non profligationis causam sed potius tempestivam crescendi

in spe et in fidelitate erga Dominum occasionem.

Dum maximopere intendebat servitio humanae ac christianae promotio-

nis illius populi Madagascariensis, ex improviso novit se nominatum esse

Episcopum oppidi Andriae, quod ab eius natali terra non longe abest.

Exc.mus D.nus Di Donna dioecesim Apulam ingrediebatur anno 1939, quo

ipso anno horrendum saevire coepit bellum quod, mox, ob sequentem Italiae

implicationem, humiles gentes meridianae regionis prostravit, innumeras affe-

rens difficultates haud facile solvendas. Servus Dei, bonus pastor suae commu-

nitatis, promissorium munus sibi a Providentia commissum non effugit, sed, spe

posita in Deo et Virgine Maria, rectae conscientiae mitisque audaciae sensu

difficiles oppetivit angustias bellica ac post-bellica periodo exortas.

Exc.mus D.nus Di Donna centrum aequilibrii in perfectione assidue quae-

renda repperit: et ita se gessit summa simplicitate et humilitate sustentatus.

Occursus cum Christo verum exstitit iter eius vitae cotidianae, ita ut

experientia fidei signaret eum inde ab infantia, roboraret eum in constanti

orationis spiritu, doceret eum rectam viam per oboedientiam voluntati Do-

mini, et in specifico eius ministerio pastorali ostenderetur.

Suffultus cotidiana celebratione eucharistica, quam excoluit assidua par-

ticipatione et communicatione sacrificii redemptoris, Servus Dei fortem se

praebuit in tribulationibus, serenum in iudiciis, a terrenis rebus seiunctum,

rectum in omnibus circumstantiis, industrium in fraterno auxilio, misericor-

dem et indulgentem ad offensiones sibi illatas ignoscendas.

Modus sese gerendi erga proximum, praecipue erga dolentes et egenos,

quorum numerus mundiali conflagratione grassante ac postea paulatim in-

crebrescebat, iugiter incitatus est summa eius liberalitate. Praeiudiciis et

incomprehensionibus neglectis, Dominus Di Donna tantummodo utilitati

singulorum hominum et totius eorum compaginis socialis prospiciebat. Qua-

dam periodo maxime difficili, ob deflagrantes controversias culturales, oeco-

nomicas et politicas, insignis Praelatus exstitit fide dignus testis veritatis,

integer plasmator conscientiarum, vir aequo et iusto animo praeditus, ope-

rator pacis et reconciliationis, fermentum efficacis progressionis sui populi.