Congregatio de Causis Sanctorum 631

MATRITEN.

Beatificationis et Canonizationis Servi Dei Andreae Hibernón Garmendia (in saec.:

Francisci Andreae) fratris professi ex Instituto Fratrum Scholarum Christianarum

(1880-1969)

DECRETUM SUPER VIRTUTIBUS

« [Iesus Christus]... destruxit quidem mortem, illuminavit autem vitam et

incorruptionem per evangelium, in quo positus sum ego praedicator et apos-

tolus et doctor » (2 Tim 1, 10-11).

Conscientia, quam Paulus Apostolus ostendit, ad integrum « boni nuntii »

servitium vitam insumendi, ad vitam quoque refertur et operam Servi Dei

Andreae Hibernón Garmendia; etenim ipse cotidie propositum experiri potuit

christiani paedagogi, qui, cum Magistro Divino arte coniunctus, suos disci-

pulos non solum humana instituit formatione, verum etiam immensitatem

valorum Evangelii in eorum mentibus obversandam fecit.

Servus Dei in pago Beizama, e Vasconica Hispaniae regione, natus est die

3 mensis Septembris anno 1880. Sequenti die baptismatis lavacro est regene-

ratus apud paroeciam Sancto Petro Apostolo dicatam, ubi nomen Francisci

Mariae inditum est illi.

Infantiam et adulescentiam in sinu copiosae familiae transegit, ex qua

profundum christianae vitae sensum didicit, et, in aura orationis et medita-

tionis, optionem nutrivit religiosam vocationem amplectendi. Ingressus est

enim Novitiatum apud Fratres Scholarum Christianarum in loco Bujedo, ubi

Instituti habitum induit, nomen assumpsit Andreae, vota nuncupavit et

studiorum curriculum explevit.

Hoc quidem tempore formationis comprobare potuit sensum maturitatis

intellectualis et moralis, religiosum recti exempli se praebens ob authenticam

Regulae observantiam et ob assiduam caritatis viam erga omnes.

Primum docentis munus Matriti est exsecutus. Ulterius, tres et viginti

tantummodo aetatis annos agens, nominatus est rector eiusdem Scholastica-

tus loci Bujedo et praeceptor paedagogiae. In ambitu Instituti, annorum

decursu credita sunt illi maioris ponderis munera, quae zelo et summo sacri-

ficii spiritu implevit, vita sua spirituali intensa simul et operibus confirmata.

His fungens muneribus, illuminatum ducem se ostendit erga futuros ma-

gistros; peculiari studio vocationes promovit ad sacerdotalem et religiosam

vitam; propositum fovit instaurandi authenticum spiritum communitarium,

ita ut quodcumque regionale discrimen praetergrederetur, et paternam osten-