PORTALEGREN. IN BRASILIA

Beatificationis et Canonizationis Servae Dei Mariae Barbarae a Sanctissima Tri-

nitate (in saec.: Barbarae Maix) Fundatricis Congregationis Sororum ab Imma-

culato Corde Mariae (1818-1873)

DECRETUM SUPER VIRTUTIBUS

«Fortitudo mea et robur meum Dominus, et factus est mihi in salutem. Iste

Deus meus, et glorificabo eum; Deus patris mei et exaltabo eum! » (Ex 15, 2).

Canticus Moysis, qui apud Videntem Patmi illum ab iis qui vicerunt

bestiam proclamatur (cf. Ap 15, 2-3), vita ac spiritualitate venerabilis Servae

Dei Mariae Barbarae a Sanctissima Trinitate speciali cum magnificentia per-

sonat.

Serva Dei, enim, in saeculo Barbara Maix, Vindobonae die 27 mensis Iunii

anno 1818 nata est, ultima ex viginti quattuor filiis, quos pater ex duobus

matrimoniis perceperat, sed ad ortum Barbarae iam plerique ex utraque

matre fratres mortui erant. Familia eius, pauper simul et honesta, quae

insigni religiositate excellebat, indolem iuvenis Barbarae enutrivit et strenua

perseverantia, benigna pauperum cura et immensa fide in divina Providentia

efformavit.

Decimum sextum vix agens aetatis annum parentibus orbata, ad laborem

accessit et iamiam difficultates mulierum licet in provecta societate Asbur-

gorum pervidit: mulieres quae sive laborem exercerent sive otiosae essent ad

omnem usurpationem obiciebantur. Tum deversorium fundare statuit, in quo

una cum aliquibus coaetaneis incepit vivere quasi in Conventu esset. Exop-

tata autem recognitio istius institutionis neque ex ecclesiastica neque ex civili

auctoritate pervenit. In tantis paene invictis aerumnis Serva Dei propositum

aluit in Civitates Foederatas Americae Septentrionalis cum sociis transmi-

grandi, sed cum navis modo esset de Amburgo in Brasiliam decurrens, Ame-

ricam Meridionalem aciem navitatis ipsius futuram esse intellexit.

Parvus coetus, quem Episcopus Sancti Sebastiani Fluminis Ianuarii rece-

pit, primo apud Conventum Sororum Conceptionistarum exceptus est, dein,

aucto in dies eius numero, sui iuris factus est, sumpsit nomen Sororum a

Corde Mariae, postea in Congregationem Sororum ab Immaculato Corde Ma-

riae a Summo Pontifice Pio XII anno 1947 mutatum et assiduae vacavit

fundationi collegiorum, asylorum pro pueris, scholarum, receptaculorum

pro orphanis, domorum religiosarum, quae infirmorum curae ac promotio-

nem pauperum, praesertim mulierum, faverent. Angustiae, lites, dissensiones

Acta Apostolicae Sedis - Commentarium Officiale626