Acta Apostolicae Sedis - Commentarium Officiale610

Peculiaris Congressus habitus est; quorum quidem favorabilem sententiam

Purpurati Patres et Antistites, die 17 mensis Iunii in Sessione Ordinaria

congregati, Exc.mo D.no Franco Croci, Episcopo tit. Potentino in Piceno,

Causae Ponente, confirmarunt. Et in utroque Coetu, tam Consultorum, quam

Cardinalium et Episcoporum, posito dubio an de miraculo divinitus patrato

constaret, responsum affirmativum prolatum est.

Facta postmodum de hisce omnibus rebus Summo Pontifici Benedicto

XVI per infrascriptum Cardinalem Praefectum accurata relatione, Beatissi-

mus Pater, vota Congregationis de Causis Sanctorum excipiens rataque ha-

bens, subsignata die pronuntiavit: Constare de miraculo a Deo patrato per

intercessionem Beati Nonii Álvares Pereira, laici professi ex Ordine Fratrum

B. M. V. de Monte Carmelo, videlicet de celeri, perfecta stabilique sanatione

dominae Guillelminae de Iesu a « ulcera torpida corneale da ustione da olio

bollente all'occhio sinistro ».

Mandavit autem Beatissimus Pater ut praesens Decretum publici iuris

fieret et in acta Congregationis de Causis Sanctorum referretur.

Datum Romae, die 3 mensis Iulii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Lunensis, a Secretis

BAIOCEN. ET LEXOVIEN.-SAGIEN.

Beatificationis et Canonizationis Ven. Servi Dei Ludovici Martin, christifidelis laici et

patrisfamilias (1823-1894) necnon Ven. Servae Dei Mariae Azeliae Guérin, chris-

tifidelis laicae et matrisfamilias (1831-1877) - coniugum

DECRETUM SUPER MIRACULO

Servus Dei Ludovicus Martin natus est Burdigalae die 22 mensis Augusti

anno 1823. Iam inde a pueritia vitam religiosam amplecti cupide petivit, sed,

provido consilio, postulatio eius recusata est. Dein Mariam Azeliam Guérin,

octo annis quam eum iuniorem, novit et in matrimonium duxit, quae die 23

mensis Decembris anno 1831 in civitate Sancti Dionysii super Sartham orta