Congregatio de Causis Sanctorum 619

Dein munere Visitatoris Patriarchalis in Libano meridionali functus est

paroeciasque curavit et Aleppi in Syria praesertim miram dedit operam,

laboriosa cum sedulitate lectiones divinas tradens, infirmos visitans, lites

ubique componens et spiritualitatem liturgicam fovens, atque praecipue ad

unitatem inter diversas Ecclesias Orientales promovendam et ad easdem ad

Romanam communionem reducendas, caritatem et amicitiam ostendens at-

que eloquentia et eruditione sua auditores allicens, valde operatus est, etiam

tamquam sacrae Congregationis de Propaganda Fide missionarius.

Anno 1668 Episcopus Dioecesis Maronitarum in insula Cypro ordinatus

est et postea, die 20 mensis Maii anno 1670, Patriarcha Maronitarum electus.

Supremam auctoritatem in Ecclesia sua gerens, populum suum duxit susti-

nuitque inter calamitates tunc Maronitis impendentes. Quinquies a patriar-

chali sede deiectus, non desinit fidelibus suis animum addere atque pastorali

munere fungi, praedicatione atque prompto adiumento caritatis suae. Inimi-

cis ignoscit; dignitatem sedis suae patriarchalis Antiochenae atque incolumi-

tatem gregis sui omnibus viribus profusis defendit.

Tandem valetudine fractus, Patriarcha Stephanus, in residentiam suam pa-

triarchalem Qannubin reversus, die 3 mensis Maii anno 1704 in Domino quievit.

Ob increscentem sanctitatis famam, quae Servum Dei, virum magni ec-

clesialis et socialis momenti, succinxit, a die 13 mensis Decembris anno 2000

usque ad diem 7 mensis Martii anno 2002 apud Curiam Antiochenam Maro-

nitarum Inquisitio dioecesana celebrata est, cuius auctoritas ac vis iuridica a

Congregatione de Causis Sanctorum Decretis diei 8 mensis Novembris anno

2002 probatae sunt. Positione confecta, die 24 mensis Ianuarii anno 2006 in

Congressu Peculiari Consultorum Historicorum et die 12 mensis Februarii

anno 2008 in Congressu Peculiari Consultorum Theologorum prospero cum

exitu disceptatum est, iuxta consuetudinem, an Servus Dei more heroum

virtutes christianas exercuisset. Patres Cardinales et Episcopi in Sessione

Ordinaria diei 17 mensis Iunii anno 2008, audita relatione Suae Beatitudinis

Eminentissimi Domini Ignatii Moysis I Card. Daoud, Praefecti emeriti Con-

gregationis pro Ecclesiis Orientalibus, Causae Ponentis, professi sunt Servum

Dei Stephanum Douayhy virtutes theologales, cardinales iisque adnexas in

modum heroum coluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-