Congregatio de Causis Sanctorum 615

ULYSSIPONEN.

Canonizationis Beati Nonii Álvares Pereira, laici professi ex Ordine B.M.V. de

Monte Carmelo (1360-1431)

DECRETUM SUPER VIRTUTIBUS

« Cantate Domino canticum novum; laus eius in ecclesia sanctorum. Lau-

dent nomen eius in choro, in tympano et cithara psallant ei, quia beneplacitum

est Domino in populo suo, et honorabit mansuetos in salute » (Ps 149, 1. 3-4).

Mira cum singularitate hic antiqui psalmistae cantus exsultationis vitae

operibusque Beati Nonii a Sancta Maria personat, cuius indoles Lusitaniae

historiam Mediae Aetatis eminenter informat eiusdemque, inter alia praecel-

lentia exempla, genuina atque intimissima anima habetur.

Nonius Álvares Pereira, filius naturalis Alvari Gonçalves Pereira et nobi-

lis matronae Irenis Gonçalves de Carvalhal, die 24 mensis Iunii anno 1360,

fortasse Bonohorto, natus est, quem ortum insequenti anno Petrus I rex

legitimavit. Armis innutritus, uti mos nobilitatis filius temporis erat, iam

adulescentiae tempore eques nominatus est et tamquam puer regius aulae

adfuit, ubi institutionem castrensem perfecit. Dum decimum septimum suae

aetatis annum agebat, patre urgente, viduam Eleonoram de Alvim uxorem

duxit, quae ei tres filios dedit, ex quibus Beatrix, quae sola viva restitit,

Alfonso, Bragantiae duci I et Ioannis I regis filio, nupsit.

Bello inter Lusitaniam et Castellam flagrante, adeo habuit Nonius virtu-

tis suae exhibendae occasiones, ut gesta eius epica celeberrimus poeta Aloi-

sius Vaz de Camões in illis « Lusiadas » celebraret. Animum suum admodum in

angustiis regni ostendit, quae anno 1383 mortem Ferdinandi I regis secuta

sunt, cum Lusitana hereditariae successionis causa regno Castellae admisci

periclitata est: illis enim in adiunctis strenue Nonius libertatem nationis

defendit et, insequenti anno, ipsius regis Castellae asseclas in proelio Atoleiri

decertato adeo superavit, ut Magister de Avis, dein rex Lusitaniae proclama-

tus, comitem stabulae eum eligeret, quapropter summus dux exercitus factus

est. Posterioribus in bellicis negotiis iuvenis comes non modo omnino Castel-

lanos devicit, sed etiam in hostes erupit magnas in ipsa adversa acie adipis-

cens victorias.

Etsi vero magna fuit Beati militaris virtus, maior tamen fides et spiritus

orationis. Peculiarem enim coluit pietatem eucharisticam, quam, licet tan-

tum sollemnioribus in festivitatibus communicare posset, cotidiana Sanctae