Acta Apostolicae Sedis - Commentarium Officiale608

Georgio Silvano Nesti, C.P., Archiepiscopo em. Camerinensi-Sancti Severini

in Piceno.

Et in utroque Coetu, sive Consultorum sive Cardinalium et Episcoporum

posito dubio an de miraculo divinitus patrato constaret responsum affirma-

tivum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Beati

Bernardi Tolomei, Abbatis Fundatoris Congregationis S. Mariae Montis Oliveti

O.S.B., videlicet de celeri, perfecta ac constanti sanatione domini Iosephi Rigolin

a « appendicite acuta con pelviperitonite e schock settico avanzato, seguito da

ascesso polmonare secondario ».

Hoc autem Decretum publici iuris fieri et in acta Congregationis de Causis

Sanctorum Summus Pontifex deferri mandavit.

Datum Romae, die 3 mensis Iulii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Lunensis, a Secretis

ULYSSIPONEN.

Canonizationis Beati Nonii Álvares Pereira, laici professi ex Ordine B.M.V. de

Monte Carmelo (1360-1431)

DECRETUM SUPER MIRACULO

Beatus Nonius Álvares Pereira natus est die 24 mensis Iunii, anno 1360,

in loco, ut videtur, quem vulgo appellant Flor de Rosa, in Lusitania. Ipse, uti

mos erat nobilium gentium, ad militandum institutus, puer equestri dignitate

auctus est et vero etiam in aula regia ministravit. Cum decimum sextum

annum ageret, nobilem adulescentulam iam viduam duxit, quae tres ei libe-

ros peperit. Exardescente autem bello inter Lusitanos et regnum Castellae,

ipse militari virtute adeo eminuit ut viginti quinque annorum adulescens