Congregatio de Causis Sanctorum 611

erat atque eiusdem iter e religiosae vitae studio ad res mundi percurrerat,

optima humana institutione necnon arte lintea acu insuendi praecellens. Ex

eorum coniugio novem orti sunt filii, quorum quattuor in ineunte aetate

mortui sunt, quinque autem quae superfuerunt filiae postea monasterii

ostium ingressae sunt, e quibus fuit sancta Teresia Lexoviensis seu a Iesu

Infante.

Vita et opera utriusque Servi Dei persingulare fuit testimonium coniugalis

familiaris spiritualitatis, in qua fides et oratio aptissime negotiorum modis,

constanti voluntati Dei adhaesioni, virtutum pervestigationi firma cum pe-

ritia rerum sociatae, magnanimitati in tribulationibus, affectui familiae ge-

nerosae curae pauperum comitati se conseruerunt.

Maria Azelia, atroci cancro correpta, anno 1877 obiit, Ludovicus autem

vixit diu, filiarum institutioni necnon Dei contemplationi deditus atque cor-

pore vexatus usque ad mortem, quae in oppido Arnières anno 1894 occurrit.

Beatificationis respectu, Causae Postulatio iudicio huius Congregationis

de Causis Sanctorum assertam subiecit miram sanationem Petri Schilirò,

pueri, qui, iam inde ab ortu, qui Modiciae die 25 mensis Maii anno 2002

evenit, in magnum discrimen vitae ruit ob defectum respirationis adeo gra-

vem, ut extemplo in valetudinarium reciperetur et subsidia afflatus externa

ope ei suppeditarentur. Condiciones pueri vero continuo eo vertebantur in

peius, ut prognosis diceretur infausta quoad vitam. Sacerdos quidam, autem,

qui ad baptismum puero ministrandum appellatus erat, familiam monuit, ut

Venerabiles sanctae Teresiae a Iesu Infante parentes invocaret. Quae enim,

diebus baptismum insequentibus, etiam cum aliis fidelibus pro Petri sanatio-

ne divinum auxilium per intercessionem Servorum Dei Ludovici et Mariae

Azeliae invocare coepit. Post menstruas angustias, repente pueri condiciones

eo claram ostenderunt et diutinam inversionem, ut Petrus regulariter et sine

ullo auxilio perspirare inciperet. Patuit vero coniunctio temporis, sicut et

nexus inter invocationem Servorum Dei et sanationem Petri Schilirò, qui

hodie optima valetudine utitur et normales vitae consuetudines gerere potest.

De hac mira habita sanatione inter diem 16 mensis Aprilis et diem 10

mensis Iunii anno 2003 apud Curiam Archidioecesis Mediolanensis Inquisitio

dioecesana celebrata est, cuius auctoritas et vis iuridica a Congregatione de

Causis Sanctorum Decreto diei 14 mensis Novembris anno 2003 probatae

sunt. Dicasterii Collegium Medicorum in sessionibus diei 1 mensis Februarii

anno 2007 et diei 17 mensis Ianuarii anno 2008 sanationem rapidam, com-

pletam, duraturam et inexplicabilem secundum scientiam medicam fuisse

affirmavit. Die 17 mensis Martii anno 2008 Congressus Peculiaris Consulto-