Acta Apostolicae Sedis - Commentarium Officiale1028

LITTERAE APOSTOLICAE SUB PLUMBO DATAE

I

BENEDICTUS EPISCOPUS

servus servorum dei

ad perpetuam rei memoriam

Purpuratis Patribus assignandi cum haud sufficiant Presbyterales Tituli, qui in

Urbe eminent, cumque ideo oporteat ut novos creemus, Nobis est visum templa

Pretiosissimi Sanguinis Domini Nostri Iesu Christi,

S. Mariae de Praesentatione,

ad eam dignitatem attolli posse: merito enim celebratur inter alias Urbis ecclesias.

Quapropter Decessorum Nostrorum vestigia secuti atque summa Apostolica usi pote-

state templa

Pretiosissimi Sanguinis Domini Nostri Iesu Christi,

S. Maria de Praesentatione,

ad gradum Cardinalicii Presbyteralis Tituli evehimus, datis iuribus privilegiisque,

quae ad huiusmodi sacras aedes pertinent. Mandamus praeterea ut hae Litterae no-

strae in cleri populique istius templi notitiam perveniant, perfectaeque rei documen-

tum ad Congregationem pro Episcopis mittatur, de more signatum sigilloque impres-

sum. Hanc vero Constitutionem nunc et in posterum efficacem esse atque fore

volumus, contrariis nihil obstantibus.

Datum Romae, apud Sanctum Petrum, die XXIV mensis Novembris, anno

Domini bismillesimo septimo, Pontificatus Nostri tertio.

EGO BENEDICTUS

Catholicae Ecclesiae Episcopus

Emmanuel Fernandez, Protonot. Apost.

Loco e Plumbi

In Secret. Status tab., n. 77.646 » » » » n. 77.645