Acta Benedicti Pp. XVI 1029

II

BENEDICTUS EPISCOPUS

servus servorum dei

ad perpetuam rei memoriam

Purpuratis Patribus Diaconis Cardinalibus renuntiatis cum assignandae sint Dia-

coniae, Nobis est visum templa

Sancti Pontiani,

Sancti Lini,

Sancti Laurentii in Piscibus,

SS. Salvatoris in Lauro,

ad eam dignitatem attolli posse: merito enim celebratur inter alias Urbis ecclesias.

Quapropter Decessorum Nostrorum vestigia secuti atque summa Apostolica usi pote-

state templa

Sancti Pontiani,

Sancti Lini,

Sancti Laurentii in Piscibus,

SS. Salvatoris in Lauro,

ad Cardinaliciae Diaconiae dignitatem evehimus, datis iuribus privilegiisque, quae ad

huiusmodi sacras aedes pertinent. Mandamus praeterea ut hae Litterae Nostrae in

cleri populique istius templi notitiam perveniant, perfectaeque rei documentum ad

Congregationem pro Episcopis mittatur, de more signatum sigilloque impressum.

Hanc vero Constitutionem nunc et in posterum efficacem esse atque fore volumus,

contrariis nihil obstantibus.

Datum Romae, apud Sanctum Petrum, die XXIV mensis Novembris, anno

Domini bismillesimo septimo, Pontificatus Nostri tertio.

EGO BENEDICTUS

Catholicae Ecclesiae Episcopus

Emmanuel Fernandez, Protonot. Apost.

Loco e Plumbi

In Secret. Status tab., n. 77.644

» » » » n. 77.643

» » » » n. 77.641

» » » » n. 77.642