Acta Apostolicae Sedis - Commentarium Officiale614

cutionis contextu in Ecclesiam ex parte regiminis Communistarum Iugosla-

viae, dioecesana periodus Processus Beatificationis incipi non posset. Sub

secreto omnimode servato, innumeri tamen collecti sunt fontes documento-

rum, quibus testimonia continebantur et relationes, quae postea, politica

sedata condicione, fundamentum constituerunt dioecesanae Inquisitionis.

Haec quidem instructa est a die 21 mensis Decembris anno 1995 ad diem

22 mensis Martii anno 1998, cuius iuridicam auctoritatem agnovit Congrega-

tio de Causis Sanctorum, Decretum vulgans die 27 mensis Novembris anno

1998. Exarata Positione, disceptatum est, ut de more, an mors Servi Dei

verum fuisset martyrium. Die 8 mensis Ianuarii anno 2008 habitus est Con-

gressus Peculiaris Consultorum Theologorum faventem ferentium huiusmodi

sententiam. Patres Cardinales et Episcopi in Sessione Ordinaria die 4 mensis

Martii anno 2008 congregati, audita Relatione Ponentis Causae, Exc.mi D.ni

Lini Fumagalli, Episcopi Sabinensis-Mandelensis, edixerunt Servum Dei ob

fidelitatem erga Christum esse interemptum.

De hisce omnibus rebus, referente subscripto Cardinale Praefecto, certior

factus Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit constare de

martyrio eiusque causa Servi Dei Francisci Ioannis Bonifacio, Sacerdotis dioe-

cesani, in casu et ad effectum de quo agitur.

Hoc autem Decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Iulii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Lunensis, a Secretis