Congregatio de Causis Sanctorum 617

Positione confecta, iuxta morem, die 22 mensis Februarii anno 2008, in Con-

gressu Peculiari Consultorum Theologorum prospero cum exitu disceptatum

est, iuxta consuetudinem, an Servus Dei more heroum virtutes christianas

exercuisset. Patres Cardinales et Episcopi in Sessione Ordinaria diei 6 mensis

Maii anno 2008, audita relatione Excellentissimi Domini Francisci Croci,

Secretarii emeriti Praefecturae rerum oeconomicarum Sanctae Sedis, Causae

Ponentis, professi sunt Beatum Nonium a Sancta Maria virtutes theologales,

cardinales iisque adnexas in modum heroum coluisse.

Facta postmodum de hisce omnibus rebus Summo Pontifici Benedicto

XVI per infrascriptum Cardinalem Praefectum accurata relatione, Beatissi-

mus Pater, vota Congregationis de Causis Sanctorum excipiens rataque ha-

bens, subsignata die pronuntiavit: Constare de virtutibus theologalibus Fide,

Spe et Caritate tum in Deum tum in proximum, necnon de cardinalibus Pru-

dentia, Iustitia, Temperantia et Fortitudine, iisque adnexis, in gradu heroico,

Beati Nonii Álvares Pereira, laici professi ex Ordine Fratrum B. M. V. de Monte

Carmelo, in casu et ad effectum de quo agitur.

Mandavit autem Beatissimus Pater ut praesens Decretum publici iuris

fieret et in acta Congregationis de Causis Sanctorum referretur.

Datum Romae, die 3 mensis Iulii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Lunensis, a Secretis

ANTIOCHENAE MARONITARUM

Beatificationis et Canonizationis Servi Dei Stephani Douayhy, Patriarchae An-

tiocheni Maronitarum (1630-1704)

DECRETUM SUPER VIRTUTIBUS

« Narrabo nomen tuum fratribus meis, in medio ecclesiae laudabo te. Qui

timetis Dominum, laudate eum; universum semen Iacob, glorificate eum.

Metuat eum omne semen Israel » (Ps 22, 23-24).