Acta Apostolicae Sedis - Commentarium Officiale620

rantia et Fortitudine, iisque adnexis, in gradu heroico, Servi Dei Stephani

Douayhy, Patriarchae Antiocheni Maronitarum, in casu et ad effectum de quo

agitur.

Hoc autem Decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Iulii anno Domini 2008.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Lunensis, a Secretis

ROMANA seu FLORENTINA

Beatificationis et Canonizationis Servi Dei Bernardini a Portu Romatino (in saec.:

Iosephi Dal Vago) ex Ordine Fratrum Minorum, Archiepiscopi titularis Serdicensis

(1822-1895)

DECRETUM SUPER VIRTUTIBUS

« Apud te laus mea in ecclesia magna; vota mea reddam in conspectu

timentium eum. Edent pauperes et saturabuntur, et laudabunt Dominum,

qui requirunt eum » (Ps 22, 26-27).

Mirabilis Psalmistae precatio, qua fidens voluntati Divinae deditio expri-

mitur, paucis verbis et ingenti cum efficacia sensum vitae complectitur et

specificam missionem quam implevit Servus Dei Bernardinus a Portu Roma-

tino, in saeculo Iosephus Dal Vago, veluti fidelis testis Domini, indefatigabilis

pauperum minister, culturalis et theologicae investigationis validus fautor.

Servus Dei in oppido Portu Gruarii, ex Veneta regione, die 15 mensis

Ianuarii anno 1822 natus est, tertiogenitus ex quattuor filiis, e familia au-

thenticae christianae fidei. Duobus post diebus baptismali ablutus est lavacro

apud paroeciale templum Sancti Andreae Apostoli.

Adhuc infans tribulationes praemature est expertus. Brevi enim annorum

spatio parentes mortem obierunt, quamobrem puerulus Iosephus prius apud

propinquos, deinde apud quoddam Venetiarum Collegium exceptus est.

Adulescentiae periodum summa vixit gravitate ac serenitate; etenim eius

simplici laetaeque indoli perspicua animi comitas accedebat una cum miro