Congregatio de Causis Sanctorum 621

fidelitatis sensu. Ingenii insuper dotibus eminebat, quae detectae sunt ex

optimis fructibus quos in studiorum curriculo colligere potuit.

Hoc ipso tempore, Iosephus indicia religiosae vocationis lucide persensit.

Sequentibus annis sive consilium quaerendo, sive in meditatione sistendo ac

praesertim preces effundendo, hic iuvenis ad maturum consilium pervenit

formam vitae apud Fratres Minores amplectendi. Admissus est in Conventum

Venetum Sancti Michaelis in Insula, ubi religiosum induit habitum, Bernar-

dini nomen assumens; et expletis diversis consuetisque formationis gradibus,

religiosa vota nuncupavit. Anno 1844, tres et viginti annos nondum agens,

praehabita aetatis dispensatione, sacro presbyteratus ordine est insignitus.

Nutritus religiosa disciplina franciscali spiritu perfusa, obtinuit ut eius pie-

tatis sensus, quo inde ab infantia praecelluit, roboraretur et in itinere vitae illius

cotidianum constitueret viaticum. Peculiarem in modum ardenti eminuit devo-

tione erga Eucharistiam celebratam et ferventer adoratam, erga Beatissimam

Virginem quam filiali suavitate diligebat, nec non erga Sanctum Ioseph, cuius

nomen sumpserat quemque uti specialem habebat « procuratorem ».

Novellus presbyter primum munus implevit theologiam moralem docendi,

cui sponte accessit ministerium praedicationis et animarum moderamem.

Pater Bernardinus altissimis fruebatur persuasionibus et dotibus communi-

cationis, prudentia et alacritate, spiritu consilii et indefesso fervore frueba-

tur. Eius in opere virtus et cultura intexebantur; sed non minoris momenti

testimonium exstitit amoris erga fratres, quem per crebrum exercitium ope-

rum corporalis misericordiae ad effectum perducebat.

Primis eius muneribus sacri ministerii citissime addita sunt officia maioris

ponderis intra Ordinem: etenim Pater Bernardinus exstitit, aut subsequenti-

bus annis aut aliquando simultaneo tempore, pro-secretarius provincialis,

definitor moderatoris sui conventus, minister provincialis Venetiarum, pro-

curator ac tandem minister generalis qua de re in Urbem se conferre debuit.

Unde sua in vita actio gubernandi evidentior et difficilior evasit. Servus Dei

omnes vires impendit in promovenda essentiali renovatione vitae religiosae,

quae peculiarem in modum requirebatur tempore illo quo extraordinaria

volvebatur transformatio culturalis et socialis, priusquam fieret politica:

quod exstitit Undevicesimum Saeculum Europaeum.

Et sub lumine huius innovatricis actionis respondentis ad ingentes hodier-

nae aetatis provocationes et ad constantes rerum evolutiones, duo condita

sunt altioris formae spiritualis et culturalis Instituta, Collegium scilicet Sanc-

ti Bonaventurae ad Claras Aquas, Florentiae, et futura Studiorum Universi-

tas « Antonianum » in Urbe.