Congregatio de Causis Sanctorum 623

ANDRIEN.

Beatificationis et Canonizationis Servi Dei Iosephi Di Donna ex Ordine Sanctissi-

mae Trinitatis, Episcopi Andriensis (1901-1952)

DECRETUM SUPER VIRTUTIBUS

« Et dabo vobis pastores iuxta cor meum, et pascent vos scientia et doc-

trina » (Ier 3, 15), immo « ego pascam oves meas et ego eas accubare faciam »

(Ez 34, 15).

Promissio Domini, ab antiquis Prophetis Israeliticis annuntiata et in Iesu,

Pastore et Episcopo animarum nostrarum (cfr 1 Pt 2, 25) expleta, in Ecclesia

adimpleri pergit, quoniam Ipsemet, Pastor Bonus, in historiae itinere suum

gregem ducere non cessat, praesentem se reddens in pastoribus qui, per gra-

tiam et ad imaginem eius, proprium ministerium peculiari adimplent fideli-

tate. Quos inter annumerandus est Servus Dei Iosephus Di Donna.

Hic enim, ultimus inter quindecim filios, e familia admodum christiana

Rudiis, Provinciae Barensis, natus est die 23 mensis Augusti anno 1901.

In familiae ambitu serenam peregit infantiam, signatam profundo con-

textu authenticae consuetudinis, efficaci apertura immo extra limites fami-

liares nec non progressiva ac persuasa ad humanos religiososque valores ad-

haesione: haec aura serenae spiritalitatis totam eius vitam invasit.

In itinere formationis confestim ortum est desiderium vitam religiosam

apud sodales Trinitarios amplectendi. In hac perfectionis experientia vires

alacriter ac constanter insumpsit, ita ut - iuxta ea quae superiores ac con-

discipuli adverterunt - « ex anima bona anima optima fieret ». Summo cum

gaudio vota nuncupavit et die 18 mensis Maii anno 1924 sacro presbyteratus

ordine est insignitus.

Munus Magistri alumnorum sui Ordinis primum fuit officium quod iuve-

nis presbyter sibi assumpsit. Prout quidam testatur qui ab illo formatus est,

Servus Dei imitatione dignus exstitit in servanda Regula, severus ac laetus in

modo sese gerendi, liberalis et a rebus seiunctus, perdiligens in maximis rebus

requirendis, attamen indulgens ac reverens erga periodos maturationis cuius-

que iuvenis.

Iterum iterumque spiritali congruentia specificum vivens charisma Ordi-

nis Sanctissimae Trinitatis, Pater Iosephus missionarius in Madagascariam se

contulit. Duobus lustris quibus in missione vitam gessit summa eminuit de-

ditione curam adhibens tum de illo territorio tum de eius necessitatibus