Congregatio de Causis Sanctorum 627

et graves aerumnae variis erumpentibus contagionibus nihil percusserunt

fortitudinem spiritualem Fundatricis, quae, ab omni auctoritate destituta,

in civitate Catumbia apud Sanctum Sebastianum Fluminis Ianuarii in domo

quadam privata die 17 mensis Martii anno 1873 morti occubuit.

Constans voluntatis Dei pervestigatio et primatus gratiae conscientia

fuerunt signum perspicuum spiritualitatis Matris Mariae Barbarae. Ipsas

temptationes vitae Serva Dei adeo sub hac specie accepit, ut olim verba haec

eximia in Litteris ad unam communitatum eius scribere potuerit: « Quamdiu

pro Deo pati possumus, tempus est gratiarum ».

His ex lineamentis omnes promanant virtutes eius, quae in firmo ingenio

naturae radicantur, scilicet mira fortitudo in persequendis propositis bonis,

quae Dominus in ea inflavit; strenua patientia in tribulationibus, morbis et

malis eventibus; magna humilitas erga proximum; spiritus ignoscentiae,

quam saepissime exercuit; paupertas quam ipsa exemplari cum iucunditate

vixit; genuinus amor Ecclesiae eiusque Pastorum, licet in discordiis vel dis-

tractionibus. Praecellens insuper marialis et eucharistica spiritualitas omnem

navitatem eius erga pauperes et fervidum studium institutionis et modera-

tionis Congregationis ab ipsa fundatae fulgere fecit.

Cum sanctitatis fama sicut in vita et in morte Matrem Mariam Barbaram

succinxisset, a die 19 mensis Iunii anno 1993 usque ad diem 29 mensis No-

vembris anno 1996 apud Curiam Portalegrensem -RS- in Brasilia Inquisitio

dioecesana celebrata est, cuius auctoritas et vis iuridica a Congregatione de

Causis Sanctorum Decreto diei 24 mensis Aprilis anno 1998 probatae sunt.

Positione confecta, iuxta morem, die 19 mensis Octobris anno 2007, in Con-

gressu Peculiari Consultorum Theologorum prospero cum exitu disceptatum

est, iuxta consuetudinem, an Serva Dei more heroum virtutes christianas

exercuisset. Patres Cardinales et Episcopi in Sessione Ordinaria diei 1 mensis

Aprilis anno 2008, audita relatione Excellentissimi Domini Lini Fumagalli,

Episcopi Sabinensis-Mandelensis, Causae Ponentis, professi sunt Servam Dei

Mariam Barbaram a Sanctissima Trinitate virtutes theologales, cardinales

iisque adnexas in modum heroum coluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Mariae Bar-

barae a Sanctissima Trinitate (in saec.: Barbarae Maix), Fundatricis Congre-