Acta Apostolicae Sedis - Commentarium Officiale628

gationis Sororum ab Immaculato Corde Mariae, in casu et ad effectum de quo

agitur.

Hoc autem Decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Iulii A. D. 2008.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Lunensis, a Secretis

HERBIPOLEN.

Beatificationis et Canonizationis Servi Dei Pii Keller (in saec.: Ioannis), Sacerdotis

professi Ordinis S. Augustini (1825-1904)

DECRETUM SUPER VIRTUTIBUS

« Sapientia aedificatur domus, et prudentia roborabitur. In doctrina re-

plebuntur cellaria, universa substantia pretiosa et pulcherrima » (Pr 24,3-4).

Prisca meditatio sapientialis, humanae experientiae divinitusque afflatus

fructus renovata praesentia restituitur in vita et in operis sacerdotis Pii

Keller Ordinis S. Augustini.

Servus Dei natus est in oppido Germaniae quod vulgo dicitur Ballings-

hausen (Franconiae Inferioris) die 30 mensis Novembris anno 1825, ex agri-

colarum simplici familia. Sacris Fontibus lustratus est nomenque Ioannis

accipiens, crevit in loco sanae honestatis et praestantis religiositatis, in quo

confirmavit animi naturam, cuius semper proprium fuit gravitas, vivida in-

tellegentia nec non sincerus spiritus pietatis.

Post prima institutionis rudimenta, studia maiora complevit iuxta patres

S. Augustini in oppido quod vulgo dicitur Münnerstadt et dum studia in

Herbipolensi Universitate attendebat, consilium cepit ad sacerdotalem voca-

tionem respondendi, quam iam in pueritia animadverterat, in seminarium

ingressus est et expletis studiis ordinatus est presbyter.