Congregatio de Causis Sanctorum 629

Primis ex muneribus fuit officium cappellani in oppido Curiae Regiae,

statim post, litterarum professor fuit iuxta patrum S. Augustini scholam,

quae eum olim alumnum vidit. Prorsus in hac renovata coniunctione cum

loco, in quo iam institutus fuerat, intellexit clare suam vocationem in reli-

giosam vitam secundum Hipponensis doctrinam explicaturum esse. Statuit

ergo in monasterium ingredi, in quo vestem religiosam induit, vota nuncu-

pavit et sibi Pii nomen imposuit.

Vita Servi Dei secundum tres praecipuas vias explicabatur videlicet viam

spiritualem, docendi munus, ministerium erga Ordinem.

Ecclesia in Germania se vivere in tempore magnae difficultatis parabat,

prima enim signa reductionis ad saecularem condicionem percipi incipiebant;

eruditiones ex cathedris statim manaverunt in multitudinem hominum, sic

ancipitem occasionem efficientes etiam in societate Ecclesiae cum re publica.

His in rebus, Pius Keller varia officia sedule suscepit, quae ei, augente

munere, ab auctoritate locali, provinciali generalique tribuebantur; eminuit

enim in fovenda assidue observantia Regulae, cura vocationum et in quinque

monasteriis condendis.

Profudit eximiam magnanimitatem scholastico in negotio, quod ab eo

ambitus princeps apostolatus existimabatur, indelebilem sui memoriam in

omnibus tradens.

Diuturnae Servi Dei vitae propria fuit conquisitio spiritualitatis magis

consentaneae. Eius fides in Domino vehementi et constanti oratione prodebat

quam ille Iesu Passionis meditatione et firma erga Cor Sacrum devotione

concitabat.

Missae Sacrificium sincero fervore celebrabat, praecipuum amorem Virgi-

ni Mariae praestabat, cui iam a pueritia, gravi in aegrotatione, eum mater

consecraverat; sine ulla intermissione, testimonium amoris erga Deum et

homines perhibebat, exercens cum fide virtutes humanas, christianas et reli-

giosas. Conscientia unionis cum Ecclesia in eo semper ita inveterata fuit ut

etiam rebus in adversis historiae numquam eius fides erga magisterium Ec-

clesiae et sedulitas in ministerium Pastorale deficerent.

Plurima officia infirmam valetudinem Servi Dei debilitaverunt, gravibus

cum effectibus in animi affectionibus. Postremo contagio haud recte sanata

acutam nephritidem peperit, quae paucis mensibus eum vita privavit.

Pius Keller animam exhalavit in oppido quod vulgo dicitur Münnerstadt

die 15 Martii anno 1904, crescenti existimatione sanctitatis comitatus.