Acta Apostolicae Sedis - Commentarium Officiale630

Fama sanctitatis, quae in vita claruit, post eius mortem increbuit, quam-

obrem Processus Informativus apud Curiam Herbipolensem celebratus est ab

anno 1934 ad annum 1935, cuius acta tamen ob belli eventa deperdita sunt;

in mense Iunio anno 1935 apud Curiam Ratisbonensem celebratus est Pro-

cessus Rogatorialis, cui accessit secundus Processus Informativus in urbe

Herbipoli a mense Maio ad mensem Septembrem anno 1956. Iuridicam ho-

rum Processuum auctoritatem approbavit haec Congregatio de Causis Sanc-

torum per Decretum editum die 18 mensis Maii anno 1990. Exarata Positio-

ne, disceptatum est ex norma an Servus Dei heroicum in modum virtutes

coluisset et die 4 mensis Maii anno 2002 Congressus Peculiaris habitus est

Consultorum Theologorum, cum exitu positivo.

Patres Cardinales et Episcopi in Sessione Ordinaria congregati die 3 men-

sis Iunii anno 2008, Ponente Causae Exc.mo D.no Ioanne Paulo Benotto,

Archiepiscopo Pisano, agnoverunt Servum Dei Pium Keller virtutes theolo-

gales, cardinales eisque adnexas heroum in modum excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine iisque adnexis, in gradu heroico, Servi Dei Pii Keller (in

saec.: Ioannis), Sacerdotis professi Ordinis S. Augustini, in casu et ad effectum

de quo agitur.

Hoc autem Dcretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Iulii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Lunensis, a Secretis