Congregatio de Causis Sanctorum 633

se praebuit, et nullo umquam tempore in eo notata est defectio, ne in sae-

vioribus quidem periodis persecutionis: etenim eius deditio divinae voluntati

intrepida exstitit.

Tandem in oppidum Griñón se recessit, postquam plures cruciatus spiritu

acceptationis et sacrificii pertulerat; ibique die 11 mensis Martii anno 1969

animam exhalavit, comploratus ab omnibus et aestimatus propter perspicuas

virtutes quae testimonium eius vitae collustraverant.

Figura Servi Dei, suam diuturnam exsistentiam terrestrem inter plurimas

mutationes politicas, sociales et ideologicas agentis, eius specifico educatoris

et animatoris culturalis charismate, nec non absoluta erga Evangelium fide-

litate delineatur.

Attenta eius sanctitatis fama, Matriti instructus est Processus Ordinarius

a die 5 mensis Novembris anno 1981 ad diem 28 mensis Iunii anno 1989, cuius

iuridicam auctoritatem agnovit Congregatio de Causis Sanctorum per Decre-

tum editum die 12 mensis Iulii anno 1991. Exarata Positione, disceptatum

est, uti de more, num Servus Dei virtutes heroico in gradu excoluisset. Posi-

tivo cum exitu, die 24 mensis Novembris anno 2006 habitus est Congressus

Peculiaris Consultorum Theologorum. Patres Cardinales et Episcopi, in Ses-

sione Ordinaria die 20 mensis Maii anno 2008 congregati, audita relatione

Ponentis Causae, Exc.mi D.ni Xaverii Echevarrı́a Rodrı́guez, Praelati Operis

Dei, edixerunt Servum Dei theologales, cardinales eisque adnexas virtutes

heroum in modum esse exsecutum.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine iisque adnexis, in gradu heroico, Servi Dei Andreae Hiber-

nón Garmendia (in saec. Francisci Mariae), Fatris Professi ex Instituto Fra-

trum Scholarum Christianarum, in casu et ad effectum de quo agitur.

Hoc autem Decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Iulii A.D. 2008.

Iosephus card. Saraiva Martins

Praefectus L. e S.

e Michaël Di Ruberto Archiep. tit. Lunensis, a Secretis