Congregatio de Causis Sanctorum 635

quem gaudio ac praesertim amore quam maximo excipiam... Iesum derelic-

tum clavem esse detexi communionis cum Deo ». Ita enim per intimam cum

Domino communionem, iter eius vitae perficiebatur. Constanti colloquio cum

Iesu Sponso fides Clarae confirmabatur; spes in primis vitae tribulationibus

sustinebat eam; caritas collustrabat eam et in eandem diffundebatur, ita ut

constanti et ferventi orationi, nec non hominum necessitudinum navitati

dedita videretur.

Ascripta erat classico in lyceo, attamen paulo post, studia dimittere de-

buit propter adversam valetudinem, quae eam aegrotam saepe in valetudi-

narium excipi coegit. Aestate anni 1988 dolores exorti sunt ob osseum sarco-

ma, qui, neglectis curis, gradatim augebantur. Subsequens exceptio in

valetudinarium Molinette Augustae Taurinorum puellae verum calvarium

constituit, acerbis enim sectionibus chirurgicis et immo acerbioribus clinicis

curis est subiecta.

Aegrotatio schola fuit ei in qua Christianum exercuit tirocinium. Crucis

mysterium in vita Clarae refulsit uti instrumentum a Sponso electum, qui

eam participem reddere suae redemptionis et ad Amoris perfectionem perdu-

cere cupiebat.

Magna cum fiducia iuvenis aegrota dolorem uti donum accepit et Domini

Voluntati se commisit, largiter respondens actioni Gratiae, qua ad eandem

Christi sortem perducebatur et intus convertebatur. Cupide semper expetens

conscia fieri ut communionem cum Iesu Crucifixo in plenitudine viveret,

Clara etiam auferri sibi voluit morphicam portionem, qua ipsa utebatur

quo acriores dolores sedarentur. In hac peculiari via Crucis, permisit ut Deus

animum eius amore inundaret, et virtutes heroico in gradu ita exercuit ut

summum humanae et Christianae perfectionis culmen attingeret.

Complorata a suis proximis, Serva Dei, Saxelli die 7 mensis Octobris anno

1990 animam exhalavit, circumdata fama sanctitatis, quae, inde ab incepto

morbo, paulatim diffundebatur.

Fama sanctitatis qua in vita claruit, post eius mortem increbruit, quamob-

rem Aquis Statiellorum celebrata est Inquisitio dioecesana a die 11 mensis

Iunii anno 1999 ad diem 21 mensis Augusti anni 2000, cuius iuridica validitas

ab hac Congregatione de Causis Sanctorum per Decretum diei 22 mensis Iunii

2001 est approbata. Exarata Positione, disceptatum est ex norma an Serva

Dei heroicum in modum virtutes coluisset. Die 16 mensis Novembris anno

2007, Congressus Peculiaris habitus est Consultorum Theologorum, positivo

cum exitu. Patres Cardinales et Episcopi in sessione Ordinaria die 15 mensis

Aprilis anno 2008 congregati, Ponente Causae Excellentissimo Domino An-