130 ROMANA

Interim sollicitudine plane pastorali Emus Urbis Vicarius nonnullum movit lapidem ut ad saniorem mentem D. Stellam perduceret, sed incassum. Imo dum apud secretarium Vica- riatus capitulum habere debebat conventum ad tentandam omnem conciliationis viam, pridie huius diei canonicus Stella e Sacrario ecclesiae S. Michaelis clam controversa utensilia asportavit.

Re cognita, Camerlingus statim protestationem dedit ad Emum Urbis Vicarium.

At Emus Urbis Vicarius huius controversiae iudicialem tractationem remisit ad S. C Concilii, monitis autem par- tibus, ut quaeque proprias exhiberet deductiones, per litteras diei 21 Februarii 1894.

Canonicus Stella reposuit, se suo iure dominii usum esse, in asportandis utensilibus, quae nondum Ecclesiae S. Mi- chaelis donaverat, et nil aliud deducendo S. C. Congregationi se offert, sibique plenum et absolutum vindicat super illas res dominium.

Deinde opponit, quod actor nullum ius acquisierat in controversa utensilia, quae ipse conventus, tunc Sacrarii Ca- merlingus, et horum utensilium dominus, Ecclesiae in usum, a se ipso moderandum, concesserat.

Ex alia parte S. Angeli Capitulum instat se in hac sede iudicii non in petitorio, sed in possessorio agere.

D i s c e p t a t i o S y n o p t i c a

Revocanda est doctrina Iuris Canonici in themate spolii, quae plane doctrina iure merito potest dici canonica cum suam repetat perfectionem ab institutis Iuris Canonici. Iure Romano iam promulgata erant fundamentalia hac de re principia, scilicet : « possessio nihil habet commune cum proprietate », et aliud effatum « possessio ad factum non ad ius pertinet »; nihilominus iuridica tutela possessionis contra spoliatores erat arctioribus circumscripta limitibus per celebre interdictum « Unde vi ».