ROMANA. 131

At ius canonicum, ad propulsandam quamcumque vio- lentam possessorum deturbationem in Can. 3 Redintegranda c. 3, q. i, dedit exceptionem spolii contra spoliatorem ; unde novum iustitiae socialis institutum enatum est ex illo prin- cipio « spoliatus ante omnia restituendus est ». Quocirca uti expresse docet Capit. Tilt. Be Ord. Cognit. antequam spo- liatus in petitorio audiatur, spolium integre purgare debet. Inde in cap. 5 Be Restit. Spoliaturum haec verba ha- bentur Alexandri III « Super illa quaestione, videlicet cum quis dicit se de possessione violenter eiectum et adversarius dicit eum non fuisse canonice institutum, respondemus prius de violenta eiectione, quam de canonica institutione agi de- bere ; quia praedo etiam est secundum rigorem iuris resti- tuendus ».

In casu vero, Capitulum asserit se possessionem horum utensilium habuisse plenam uti constat ex allatis in facti specie, quibus ipsa proprietas probari posset ; sed insuper, ad probandum hoc factum, urget iuratam aedituum atte- stationem.

Rebus fideliter expositis, propositum fuit diluendum

D u b i u m

An et quomodo annuendum sit petitioni Capituli S. An- geli in Foro Piscium in casu.

RESOLUTIO. Sacra C. Concilii, re cognita sub die 1 4 Aprilis 1 8 9 4 censuit respondere : « Affirmative in omnibus, iuxta petita et amplius ».