382 LUCIONEN.

D u b i u m

An et quomodo confirmanda vel revocanda sit decisio diei 2 Iunii 1893 in casu?

RESOLUTIO. Sacra Congr. Ep. et Regni, quaestione ite- rum ad trutinam vocata, die 24 Augusti 1894 ad propositum dubium censuit respondere : Affirmative ad primam partem, negative ad secundam.

Ex HIS COLLIGES: I. Privilegium, pro quo militat pos- sessio plusquam centenaria, omnino servandum esse : in the- mate vero a plus quam 200 annis Congregatio Filiarum de la Sagesse, nempe usque a morte B. Fundatoris Superiorem communem habuerat cum Patribus Societatis Marianae.

II. Privilegia maxime manutenenda esse quando in praxi salutares producunt effectus et successive sunt roborata apo- stolica approbatione, uti in praesens contingebat: S. Congre- gatio enim approbando Constitutiones Monialium, etiam pri- vilegium de Superiore communi recognoverat.

III. Iniuria igitur Episcopum Lucionensem reclamasse plenam iuris communis applicationem: dum enim ex una parte maxime conveniens erat, instituta quae communem Fundato- rem habuerant, etiam Superiorem communem habere; ex altera constabat experientia introductam regiminis primitivam for- mam semper vel fere semper optimos dedisse fructus. Aliunde per decretum S. Congregationis in tuto erat posita iurisdictio Ordinariorum, et solum quoad punctum praesidendi Capitu- lum generale Sororum erat recessum a iure communi : in ce- teris enim actibus ad bonum Congregationis semper procedi debebat sub dependentia Ordinariorum.