210 Acta Apostolicae Sedis - Commentarium Officiale

LITTERAE APOSTOLICAE

Venerabili Servae Dei Clarae Szczęsna Beatorum honores decernuntur.

FRANCISCUS PP.

Ad perpetuam rei memoriam. - « Beati, qui non viderunt et credide- runt! » ( Io 20, 29).

Venerabilis Serva Dei Clara (in saeculo Ludovica) Szczęsna, etiamsi non vidit, fidem in Christum Iesum perardenter vixit ita ut vitae christianae

exemplar fieret pro suis consororibus omnibusque qui eam in vita cogno-

verunt atque auxilium verum et caritate plenum pro pauperibus puellis

temporibus difficillimis pro Ecclesia in Polonia.

In loco Cieszki, paroeciae Lubowidz in dioecesi Plocensi, die XVIII men-

sis Iulii anno MDCCCLXIII est nata, sexta e filiis Antonii Szczęsny et Fran- ciscae Skorupska. Mater saepe cum filiis ad sanctuarium Beatae Virginis

Mariae in ׄZuromin peregrinata est. Post inopinatam matris mortem, Cla- ra sanctuarium frequenter adire solebat, ubi ante imaginem Virginis diu

orabat. Postquam matrimonium luculentum recusaverat atque ad parentes

Mlavnae recesserat, spiritales participavit exercitationes quas beatus Hono-

ratus Koźmiński moderabatur atque decrevit, propter hanc praedicationem, Congregationem ingredi, tunc clandestinam, Servularum Iesu. Illo tempore

Polonia sub dominatione aliarum Nationum erat atque illa in regione vetitae

erant omnes novorum institutorum religiosorum fundationes. Ita Ludovica

anno MDCCCLXXXV Varsaviam petiit, ubi prima Instituti domus est condita.

Pro sua sustentatione sorores vestificinam habebant et clandestine apos-

tolatum inter famulas et humiliores pauperioresque operarias exercebant.

Venerabilis Serva Dei postea Lublinum est missa, sed magna frequentia

puellarum in vestificinam publicorum custodum loci attentionem attraxit.

Invenerunt ibi catechismum, et cum tunc docere religionem catholicam ve-

titum esset, Clara, rea facta religionis catholicae propagandae, coacta est

ut Lublinum relinqueret et Varsaviam rediret. Antequam proficisceretur,

eius confessarius et moderator spiritualis, sacerdos Antonius Nojszewski,

munus ei concredidit cultum Sacratissimi Cordis Iesu diffundendi. Divina

Providentia disposuit ut hoc quidem exsilium, quod ipsa noluit, eam ad

cultum Sacratissimi Cordis tota in Polonia propagandum compelleret. Soror