Acta Congregationum 315

communitatem paroecialem circa Verbum Dei et Eucharistiam congregatam

ipsa usurpavit. Serva Dei, utpote moderatrix communitatis, una cum fra-

tre Georgio atque quadraginta circiter pueris, adulescentibus et iuvenibus

paroeciarum Valli Taurinorum et Varisellae ad scholam quasi campestrem

aestivam in vico Ca' Savio prope Venetias profecta est. Vesperi diei 10

mensis Iulii anno 1970, e litore rediebat, ubi serotinum direxerat Occur-

sum Verbi Dei illum, postea exercitium proprium Operae Mariae factum,

quo textus electus Sacrae Scripturae in actum redditur. Imbrifero ductu

irrorato corpore, capilla ceperat exsiccare, ut ad Sanctam Missam sese

pararet, cum ictu electricitatis e vitioso capillotergio erupto fracta est, qui

eam quamvis subito fulguravit. Nihil enim subsidia nec remedia valuerunt

mechanicae respirationis, quae ei suppeditata sunt. Serva Dei, quindecim

annos et novem menses tantum nata, in Domino quievit.

Die 13 mensis Iulii anno 1970, exsequiae celebratae sunt concurrente

multitudine duo milia christifideles excedente, inter quos membra erant

quinquaginta fere communitatum paroecialium, permulti socii Operae Mariae

et triginta presbyteri.

Memoria Servae Dei, quae pro Deo et proximo vere vixit, multos adhuc

ad sepulcrum provehit christifideles, qui, praeter preces pro Maria Ursula

profusas, eiusdem intercessionem potius invocare malunt, quod testimonium

est famae ad hanc diem indesinentis eius sanctitatis facundissimum. Statim

post mortem Archiepiscopi et presbyteri Archidioecesis Taurinensis una

cum fundatrice Operae Mariae Servam Dei tamquam vitae sive iuvenum

sive communitatum paroecialium saepius proposuerunt exemplum. Summus

Pontifex Sanctus Ioannes Paulus II idem in visitatione ad civitatem Tau-

rinensem diei 3 mensis Septembris anno 1988, eam iuvenibus uti speculum

virtutum imitandum innotavit. Testimonium integerrimae et festae fidei

Servae Dei, quae suipsius in dies nihil pepercit, ut omnes eandem viam

sanctitatis percurrerent, in universalem sanctitatem constanter provocat,

quae maxime mutuo praebendo auxilio super viam sanctitatis exprimitur.

Die 2 mensis Octobris anno 2004, Servae Dei exuviae a coemeterio muni-

cipali Valli Taurinorum ad ecclesiam paroecialem Sancti Secundi Martyris

in eodem vico translatae sunt.

Ob sanctitatis famam Causa beatificationis et canonizationis apud Curiam

Archiepiscopalem Taurinensem inita est per celebrationem Inquisitionis

dioecesanae a die 26 mensis Maii anno 1996 ad diem 17 mensis Decem-