Acta Congregationum 317

VRHBOSNENSIS

Beatificationis et Canonizationis Servi Dei Petri Barbarić Novitii Scholastici So-

cietatis Iesu (1874-1897)

DECRETUM SUPER VIRTUTIBUS

« Beati mundo corde, quoniam ipsi Deum videbunt » ( Mt 5, 8).

His Christi Domini verbis, quibus ipse beatitudines proclamabat, Servi

Dei Petri Barbarić sancta vita summatim breviterque exponi potest, quae

virtutibus moralibus plena, castitatis et dilectionis Dei atque zelo salutis

animarum suorum proximorum inflammata insigniter coronatur.

Servus Dei die 19 mensis Maii anno 1874 in pago v.d. Šiljevište paroe-

cia Klobuk in Bosnia et Herzegovina in numerosa familia catholica ipse

ortus est. Parentes eius devoti et vero christiano spiritu imbuti erant et

in familia preces vespertinae accurate diligenterque perficiebantur. Pe-

trus inter omnes liberos iam a pueritia claram devotionem ostendebat.

Magnam partem infantiae vitam devoti fidelisque pastoris custodiendo

armenta pecorum domesticorum ad familiam pertinentium egit. Quando

mane gregem ad pastum agere conducebat, una manu baculum altera

rosarium tenebat. In sacco pastorali cibum simulque aliquem librum ad

legendum secum ferebat.

Servus Dei, quamvis iam a parentibus legere et scribere didicit, ubi

primum aetatem annorum duodecim attingens anno 1886 scholam frequen-

tare incepit. Petro sciendi cupido arduum non erat quotidie unam horam et

dimidiam in scholam et iterum rediens domum ambulare. Instructionibus

scholae elementariae expletis, parentes Petrum ad discendum negotium

mercatoris apud bonam christianam familiam in pagum Vitine miserunt. In

hoc opere Servus Dei bene enitebatur et fiduciam mercatoris adeptus est.

Petrus autem scholam prosequi magis voluit, sed quomodo hoc perficere

ignoravit. Irrito conatu munus scribae in pago Ljubuški assequi, Deus ei

multo meliorem viam aperuit.

Eodem anno vertente rector seminarii et gymnasii archidioecesani in

civitate Travnik omnibus paroeciis et scholis in Bosnia et Herzegovina

sitis litteras misit petendo ut bonos iuvenes, qui studia scholae mediae