318 Acta Apostolicae Sedis - Commentarium Officiale

cum spe vocationis spiritualis prosequi cupiunt, in seminarium et gym-

nasium travnicense mittere velint. Intercedente et suadente magistro qui

primus Petro hanc invitationem communicavit et commendationem dedit,

Petrus cum approbatione parentum et Episcopi loci autumnali tempore

anno 1889, quintum decimum annum agens, in seminarium Travnicense

laetus ingreditur.

Petrus discipulus eminens et in omnibus egregius erat; communem usi-

tatam alumni seminarii vitam egit, attamen multa cum diligentia, summa

cura et accuratione. Cooperatio eius cum gratia Dei quotidie animadverti

poterat. Institutoribus et professoribus prorsus oboediens, illos cum magna

reverentia prosequendo et docibilis, erga alios condiscipulos semper socia-

bilis et ad adiuvandum paratus, seminarii verum lumen erat. Ad sacerdo-

tium sincere ex animo sese parabat. Servus Dei suum spiritualem vultum

noto adagio optime expressit: « Inter omnes vias quae in caelum ducunt

mihi videtur brevissima, facillima securissimaque esse illa, qua homo solita

officia sua accurate adimplendo graditur ».

Indoles peculiaris eius spiritualitatis erat devotio religiosis sima erga SS.

Cor Iesu, quam non solum inter condiscipulos verum etiam praesertim in

suo solo natali et in paroecia propagavit. Petrus pariter Beatam Virginem

Mariam colebat, a prima infantia quotidie rosarium rogans. E nativa domo

ingentem copiam rosariorum adferrebat, eamque in Travnik benedicere et

indulgentiis ditare dabat et demum in pagum nativum mittebat omnes ad

marianam precem impellens. Vehementem ostendebat fervorem in apos-

tolatu iam inter condiscipulos, sed multo magis tempore feriarum dum

domi degebat. Infantes docuit catechismum, adultos autem in veritatibus

religionis instruebat; ad precationes invitabat, sive etiam cum illis orabat.

Eius animum opus missionariorum alliciebat et ephemeridem de opere

missionali recipiebat.

Petri amor erga Ecclesiam et Summum Pontificem praesertim men-

se septembris anno 1895 se manifestavit cum Servus Dei Superioribus

approbantibus inceptum promoveret ut etiam seminarium Travnicense

cum toto mundo christiano coniungeretur ad satisfactionem praestandi

Vicario Christi, ob publicas iniurias, quibus auctoritates statales illius

temporis eundem offendebant. Petrus peculiari studio ardore animi con-