314 Acta Apostolicae Sedis - Commentarium Officiale

Serva Dei una cum familia spiritualitatem unitatis gratiae suscepit et

evangelicae vitae communicavit viam, quam cum communitate paroeciali

iniverat. Operae Mariae occursus, precationi Iesu ad Patrem « ut omnes unum

sint » ( Io 17, 21) omnino innisae, iter apud paroeciam sive singulorum sive

universae communitatis instaurationis laudabiliter suscitavit. Donum gra-

tiae receptum, quod Deum Amorem plenius elegendum expostulat, maxime

hominis est interioris. Conversatio autem haec spiritualis Servae Dei una

cum caeteris, uti dicatur, incedit, per opus scilicet Ecclesiae, quod ipsa in

navitatibus paroeciae suae vixit, ubi varii eo tempore exoriebantur coetus,

e quibus muliebris ille pro mutuo inter socias auxilio praestando, ut Evan-

gelium admodum experirentur Deumque caput vitae suae ponerent omnique

studio summam eiusdem voluntatem discernere eniterentur et caritate illa

inter se exardescerent, quae praesentiam perficit a Iesu duobus vel tribus

illis congregatis in nomine eius (cfr Mt 18, 20) promissam.

Mense Aprili anno 1968, primo Congressui Europaeo Arce Papali habito

interfuit Motus illius vulgo Gen nuncupato, cui e iuvenibus Operae Mariae

effluxo Serva Dei sese libenter adsociaverat. Et cum mandatum Clarae

Lubich, eiusdem Operae Mariae fundatricis, illico professum intimius eam

excussisset, Maria Ursula admodum eidem gratias agendi atque rationis

vitae tradendae his verbis eguit: « Animadverti instrumentum gaudii esse

Crucem seu Iesum derelictum. Si quaeris, Clara, amare volo, amare, amare

semper, sponte, cuiusvis improvida, Deum me uti volo sicuti ipse vult et

ipsa omnimodo adniti volo, quia hoc tantum in vita pollet omnesque oportet

iuvenes quae sit vera felicitas cognoscant et Deum diligant ».

Iesus Derelictus conspectum universalem eidem donavit, qui cor eius

perpetuo et constanti placito eundem profitendi aliisque, praesertim iuve-

nibus, tradendi reseravit. Mirum vero fuit compendium eius de missione

christifidelis cuiusque Deum aliis exemplo verboque litterisque et pluribus

paroecialibus commendandi navitatibus, praecipue musica Sanctae Missae

moderatione, occursibusque iuvenum loci et diebus spiritualitatis.

Die 21 mensis Iulii anno 1969, in ephemeride sua rationem summam

vitae scripsit, quae ex tribus cardinibus constat et his effingitur senten-

tiis, quae sunt: Iesum in aliis videre, Deum aliis commendare, voluntatem

Dei perficere. Contemplatio interea eius profundae fidei capitibus eminere

cepit, quae e spiritualitate et gratiae donis Operae Mariae propriis hausit

atque modis ac peculiaribus formis necnon singulari intellectu ardoris erga