Acta Congregationum 319

templabatur exemplum sanctae vitae alumni croatici Pauli Kolarić (1836-

1862), qui Romae in Collegio Germanico in opinione sanctitatis obiit,

atque in articulo mortis vota Societatis Iesu emisit quibus membrum

Societatis factus est.

Duos annos ante mortem Servus Dei in se ipso vocationem religio-

sam ingrediendi in Societatem Iesu sensit. Eius educatores suadebant

ei ut executionem huius desiderii ad tempus post examen maturitatis

differat. Interea, verno tempore anno 1896, post quandam excursionem

gravedine temptatus morbum laetalem phtisin pulmonum contraxit. In

morbo splendidum exemplum patientiae in sustinendo morbo ostendebat.

Duo dies ante mortem, a Superioribus religiosis permissione obtenta,

vota religiosa emisit. Die 15 mensis Aprilis anno 1897 ut membrum

Societatis Iesu obiit.

Fama sanctitatis eius a die 16 mensis Decembris anno 1938 ad diem 11

mensis Ianuarii anno 1943 iuxta Curiam dioecesanam Seraiensem Processus

Ordinarius Informativus dioecesanus celebratus est, cui accessit Inquisi-

tio Suppletiva a die 25 mensis Februarii anno 2003 ad diem 16 mensis

Februarii anno 2007, quorum iuridica validitas ab hac Congregatione de

Causis Sanctorum, per decretum diei 2 mensis Februarii anno 2008, est

approbata. Exarata Positione, disceptatum est secundum consuetas normas

an Servus Dei heroum in modum virtutes excoluisset. Positivo cum exitu die

27 mensis Maii anno 2014 Peculiaris Congressus Consultorum Theologorum

habitus est. Patres Cardinales et Episcopi Ordinaria Sessione congregati

die 3 mensis Martii anno 2015, me Cardinale Angelo Amato praesidente,

agnoverunt Servum Dei virtutes theologales, cardinales et adnexas, heroum

in modum, excoluisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iusti-

tia, Temperantia et Fortitudine, iisque adnexis, in gradu heroico, Servi Dei

Petri Barbarić, Novitii Scholastici Societatis lesu, in casu et ad effectum de

quo agitur.