Acta Congregationum 323

celebratus est Processus Apostolicus. Quorum validitas iuridica decreto die

10 mensis Iulii anno 1621 a Sacra Congregatione Rituum est agnita. Cum

beatificatio per cultus confirmationem imminens videbatur, Decreta Urbani

VIII novum iter constituerunt. Originalis septuaginta duorum Servae Dei

sermonum, quibus titulus El Conhorte, textus reperiendi difficultas per duo

saecula moram attulit. Post illorum inventionem, anno 1986 Causa ad ulte-

riora procedi potuit. Positione confecta, die 25 mensis Februarii anno 2003

habita est Sessio Consultorum Historicorum; deinde, positivo quidem cum

exitu, die 5 mensis Decembris anno 2013 Congressus Peculiaris Consultorum

Theologorum est actus. Patres Cardinales et Episcopi in Sessione Ordinaria

diei 3 mensis Martii anno 2015, cui egomet ipse Angelus Cardinalis Amato

praefui, professi sunt Servam Dei virtutes theologales, cardinales iisque

adnexas in modum heroum exercuisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Ioannae

a Cruce (in saeculo: Ioannae Vázquez Gutiérrez), Monialis professae Tertii

Ordinis Sancti Francisci et Abbatissae Conventus Sanctae Mariae a Cruce in

loco v.d. "Cubas" Matriti, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 18 mensis Martii a.D. 2015.

anGeluS Card. amato, S.d.B. Praefectus

L. G S.

G marCelluS BartoluCCi Archiep. tit. Mevaniensis, a Secretis