310 Acta Apostolicae Sedis - Commentarium Officiale

NEAPOLITANA

Beatificationis et Canonizationis Servi Dei Francisci Gattola Sacerdotis Dioecesani Fundatoris Congregationis Sororum Filiarum Ss.mae Virginis Immaculatae Lapur- densis (1822-1899)

DECRETUM SUPER VIRTUTIBUS

« Simile est regnum caelorum thesauro abscondito in agro, quem qui

invenit homo, abscondit, et prae gaudio illius vadit et vendit universa quae

habet et emit agrum illum » ( Mt 13, 44-46).

Haec Evangelii verba, etiam in simplici significatione ad litteram, bene

delineant tempus, quo Servus Dei Franciscus Gattola statuit supremam

electionem totius suae apostolicae vitae, religiosi sodalitii fundator evadens:

ille enim magna parte suae hereditatis uti maluit ut praedium emeret, a

quo vehementissimam apostolatus operam pro pauperum ministerio diffudit.

Confirmationem accepit, cuius patrinus fuit Venerabilis Placidus Bac-

cher, qui etiam eius spiritualis moderator exstitit. Adulescens Franciscus

sacerdotalis vocationis signa percepit, qua re Seminarium Neapolitanum

frequentare incepit. Studiorum cursu expleto, sacram ordinationem die 19

mensis Decembris anno 1846 recepit. Primum eius pastorale munus fuit

praedicatio sacris in missionibus pro populo secundum exemplum Sancti

Alphonsi Mariae de Liguori. Summam sedulitatem sacramentali in confes-

sione adhibuit.

Illis annis duae res inter se adversae Servi Dei Francisci vitam et spi-

ritualitatem valde moverunt, scilicet rerum publicarum subversio in Italia

contra legitima Pontificum iura, una cum certationum disputationibus oc-

currentibus saepe contra ipsos catholicos in Sabauda expugnatione totius

Italiae, atque Lapurdenses Virginis Mariae mirabiles visiones et Immaculatae

Conceptionis dogmatis proclamatio.

Strenuus fidei defensor, Servus Dei summam in Virginem Immaculatam

devotionem et cultum adhibuit. cuius in honorem undecies Lapurdum sacra

peregrinatione venit et cui anno 1873 Massae Lubrensis dedicavit fundatio-

nem Instituti Sororum "Filiarum SS.mae Virginis Immaculatae Lapurden-

sis" quae auxilio iuxta domicilium pauperum et iuvenum institutioni vaca-

bant. Sapientia et moderatione Institutum usque ad mortem rexit, quamvis

multae contentiones et difficultates ei obstarentur et praecipue ob aliquos